Elbasy Nursultan Ábishuly Ulttyq qaýipsizdik komitetiniń tóraǵasy Kárim Másimovti qabyldady, dep habarlaidy "Ult aqparat" Aqordaǵa silteme jasap.
Kezdesýde Memleket basshysy elimizde ótetin halyqaralyq is-sharalar barysynda qaýipsizdikti qamtamasyz etýdiń mańyzdylyǵyn aityp, «EKSPO-2017» mamandandyrylǵan kórmesin ótkizgen kezde quqyq qorǵaý qurylymdarynyń sapaly jumys atqarǵany úshin taǵy da alǵys bildirdi.
– Men arnaýly jáne quqyq qorǵaý organdarynyń qyzmetkerlerine «EKSPO-2017» kórmesin ótkizgen kezde úilesimdi jumys júrgizgeni úshin alǵys aittym. Olar tártip pen qaýipsizdikti qamtamasyz ete aldy, sondyqtan kórmege kelgen barlyq qonaqtar tarapynan jaqsy baǵa berildi, – dedi Nursultan Nazarbaev.
Sondai-aq, Kárim Másimov elimizdegi qazirgi ahýal men ulttyq qaýipsizdikti qamtamasyz etý úshin qabyldanyp jatqan sharalar týraly baiandady.
– El ishindegi ahýal turaqty. Astanada «EKSPO-2017» kórmesin ótkizý kezinde arnaýly jáne quqyq qorǵaý qyzmetteri óz mindetterin joǵary deńgeide atqara bildi, – dedi Ulttyq qaýipsizdik komitetiniń tóraǵasy.
Sońynda Qazaqstan Prezidenti birqatar naqty tapsyrma berdi.
