Memleket basshysyna Ispaniia Koroli VI Felipeniń atynan Katoliktik Izabella Ordenin Ispaniia Koroldigi Depýtattar kongresiniń tóraiymy Ana Pastor tabys etti, dep habarlaidy "Ult aqparat" Aqordanyń baspasóz qyzmetine silteme jasap.
«Asa mártebeli Qazaqstan Respýblikasynyń Prezidenti Nursultan Nazarbaev myrza, joǵary koroldik qurmet retinde, Sizdi Katoliktik Izabella Ordenimen marapattaimyn», – delingen Koroldiń jarlyǵynda.
Qazaqstan Prezidenti Ispaniia Koroli VI Felipege jáne Ana Pastorǵa joǵary marapaty úshin rizashylyq bildirip, Qazaqstan men Ispaniia arasynda senimdi ári dostyq qarym-qatynas ornaǵanyn atap ótti.
– Biz táýelsizdigimizdiń alǵashqy kúnderinen bastap Ispaniia Koroldigimen bailanys ornatyp, ózara senimdi ekijaqty qarym-qatynastarǵa qol jetkizdik. Osy jyldar ishinde Ispaniia Qazaqstanǵa óz qoldaýyn kórsetip keledi. Ispaniia Koroli VI Felipe Qazaqstanǵa resmi saparmen kelip, «EKSPO-2017» halyqaralyq kórmesiniń ashylýyna qatysty. Bul biz úshin zor mártebe, – dedi Qazaqstan Prezidenti.
Nursultan Nazarbaev Qazaqstannyń saiasatta jáne ekonomikanyń túrli sektorlarynda Ispaniiamen jemisti yntymaqtastyqty jalǵastyrýǵa nietti ekenin aitty.
Rásim sońynda Qazaqstan Prezidenti Ispaniia Koroli VI Felipege shynaiy rizashylyǵy men jyly lebizin jetkizýdi surady jáne Ispaniia halqynyń igiligi úshin atqaryp jatqan qyzmetine tabys tiledi.
