Nursultan Nazarbaev Salome Zýrabishvilige Grýziia Prezidenti laýazymyna sailanýyna bailanysty quttyqtaý jedelhatyn joldady, dep habarlaidy "Ult aqparat" Aqordanyń resmi saityna silteme jasap.
Memleket basshysy Qazaqstan halqynyń jáne jeke óziniń atynan Salome Zýrabishvilidi Grýziia Prezidenti laýazymyna sailanýymen quttyqtady.
«Ótken sailaýdaǵy jeńisińiz - el azamattarynyń Sizge degen senimi men qoldaýynyń, sondai-aq Grýziianyń jańa jetistikteri men elderińizdiń odan ári órkendeýine degen úmitin Sizben bailanystyrýynyń aiqyn dáleli. Elderimiz arasyndaǵy dástúrli dostyq pen túsinýshilikke negizdelgen ózara tiimdi yntymaqtastyq halyqtarymyzdyń igiligi úshin aldaǵy ýaqytta da nyǵaia túsetinine kámil senemin» - delingen jedelhatta.
Nursultan Nazarbaev Salome Zýrabishvilige zor densaýlyq, amandyq, jaýapty qyzmetine - tabys, al dostas Grýziia halqyna - baq-bereke tiledi.
