Nursultan Nazarbaev Almatydaǵy Fýrmanov kóshesiniń ataýy ózgertilýine qatysty pikir bildirdi, - dep habarlaidy "Ult aqparat" Aqordaǵa silteme jasap.
Memleket basshysynyń jyl qorytyndysy boiynsha bergen Facebook áleýmettik jelisinde jariialandy.
"Nazarbaevqa tastan jasalǵan eskertkishtiń keregi joqtyǵy jaily bireý maǵan hat jazdy. Men onymen tolyqtai kelisemin. Munyń barlyǵy ábigerlik", - dedi Prezident.
"Men mundaiǵa únemi qarsy bolatynmyn. Tek ýniversitetke kelistim. Oǵan barlyǵy qoldaý kórsetýi úshin - úkimet te, el de. Ol úlgi bola alarlyq alda kele jatqan oqý orny. Al qalǵannyń barlyǵy - jergilikti biliktegilerdiń sheshimi. Árine, men buiryq berip, osyǵan tyiym sala alamyn. Qazirgi ýaqytta meniń barlyq qazaqstandyqqa aitarym: muny jasaýdyń qajeti joq! Kerek emes! Tarihta óz isterimen este qalý kerek. Al eskertkishtermen ne bolatynyn barlyǵymyz da bilemiz", - dedi Memleket basshysy.
"Degenmen Almaty men úshin týǵan qala. Barlyǵy úshin raqmet. Biraq muny isteýdiń qajeti joq", - dedi Nazarbaev.
Suhbattyń televiziialyq nusqasy búgin, 25 jeltoqsanda Astana ýaqytymen saǵat 21:30-da respýblikalyq arnalardyń efirinen kórsetiledi.
