Nursultan Nazarbaev «Aziia - Eýropa» (ASEM) forýmy HII sammitiniń ashylý rásimine kelgen soń Frantsiia Respýblikasynyń Prezidenti Emmaniýel Makronmen kezdesti, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysy eki el arasynda diplomatiialyq qarym-qatynas ornaǵanyna 26 jyl tolǵanyn jáne osy kezeń ishinde qajetti búkil sharttyq-quqyqtyq baza qalyptasqanyn atap ótti.
«Búgingi kezdesýimizdiń arqasynda Qazaqstan men Frantsiia arasyndaǵy bailanystar jańa deńgeige kóteriledi dep senemin. Bizdiń elimizde Frantsiianyń ondaǵan kompaniiasy jumys isteýde, ózara taýar ainalymynyń kólemi 5 milliard AQSh dollaryna jetýi múmkin», - dedi Qazaqstan Prezidenti.
E.Makron Nursultan Nazarbaevqa iltipat bildire otyryp, Qazaqstan men Frantsiia arasyndaǵy strategiialyq seriktestik týraly sharttyń 10 jyldyǵy qarsańyndaǵy osy kezdesýdiń simvoldyq máni zor ekenin atap ótti.
«Prezident myrza, Sizben tanysqanyma óte qýanyshtymyn. Men prezidenttik qyzmetke kelgennen beri alǵash ret júzdesip otyrmyz. Sizben birqatar máseleni talqylap, kózqarasyńyzdy bilgim keledi», - dedi Frantsiia basshysy.
Ózara senim jaǵdaiynda ótken kezdesý barysynda taraptar eki jaqty qarym-qatynas máselelerin talqylap, óńirlik jáne halyqaralyq kún tártibindegi meilinshe ózekti problemalar jóninde ashyq pikir almasty.
Eske sala ketsek, Qazaqstan Prezidenti Nursultan Nazarbaev Briýssel qalasyna «Aziia-Eýropa» Forýmynyń (ASEM) 12-shi sammitine qatysý úshin kelgen bolatyn.
Keshe Belgiiadaǵy Koroldik saraiynda Qazaqstan Prezidenti Belgiia Koroli Filippen kezdesti.
Sonymen qatar, QR Prezidenti Nursultan Nazarbaev Briýssel qalasynda Eýropanyń isker toptar ókilderimen kezdesý ótkizdi.
