Memleket basshysy Nursultan Nazarbaev EXPO-2017 kórmesiniń nysandaryn tekserip, kórmeniń daiyndyq deńgeiine baǵa berdi, - dep habarlaidy "Ult aqparat" kaz.tengrinews.kz portalyna silteme jasap.
"9 maýsymda EXPO-2017 kórmesiniń ashylý saltanaty ótedi. Men salynyp jatqan nysandarǵa baryp, qarap shyqtym. Daiyndyq deńgeii joǵary, aiaqtalýǵa jaqyn qaldy. Kórmeniń laiyqty deńgeide uiymdastyrylýy álemdik qaýymdastyqqa táýelsiz Qazaqstannyń taǵy bir jetistigin kórsetedi", - dedi Nursultan Nazarbaev.
Sondai-aq, Memleket basshysy Astana qalasynyń jetken jetistikteri jaily aityp berdi. Onyń aitýynsha, sońǵy bes jylda elordaǵa 4,5 trillion teńge investitsiia quiyldy. Astananyń elimizdiń ekonomikasynda úlesi 12 paiyzǵa deiin ósken.
"Biz Qazaqstandy taǵy bir qalamen baiyttyq - memleket qazysyna qomaqty aktiv beretin qalamen. Elimizdiń ekonomikasynda shaǵyn jáne orta biznestiń úlesi 46 paiyzdy quraidy - bul elimizdegi basqa óńirlermen salystyrǵanda joǵary kórsetkish. Astana mańyzdy is-sharalardy, sondai-aq, ǵalamdyq mańyzy bar kezdesýlerdi ótkizetin qalaǵa ainaldy", - dep atap ótti Prezident.
Aita keteiik, "Astana EKSPO-2017" keńsesinde halyqaralyq kórmege daiyndyq máselesine, sondai-aq, QR Prezidentiniń tóraǵalyǵymen Astanany damytýǵa qatysty máseleler boiynsha jiyn ótip jatyr.
