Qazaqstan Prezidenti Nursultan Nazarbaev Respýblikalyq biýdjettiń atqarylýyn baqylaý jónindegi esep komitetiniń tóraiymy Natalia Godýnovany qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Kezdesý barysynda Memleket basshysyna Esep komitetiniń 2018 jyly atqarǵan jumystarynyń qorytyndysy týraly baiandaldy.
Nursultan Nazarbaev Esep komitetiniń tarapynan biýdjet qarajatyna únemi baqylaý júrgizilip, onyń tiimdi igerilýine muqiiat taldaý jasaýdyń mańyzdylyǵyn atap ótti.
– Esep komitetiniń negizgi mindeti – memlekettik biýdjettiń tiimdi jumsalýyn qadaǵalaý. Baqylaý isinen aýditke kóshýge bailanysty sizderdiń aldaryńyzda jańa mindetter tur, – dedi Elbasy.
Esep komitetiniń tóraiymy respýblikalyq biýdjettiń tiimdi jumsalýyna aýdit júrgizý barysy jáne osy saladaǵy álemdik tájiribeni zertteý nátijeleri jóninde málimdedi.
– Biz tiimdilik aýditine kóshý jumystaryn jalǵastyra beremiz. Byltyr jalpy somasy 430 milliard teńge kóleminde tártip buzýshylyq jasalǵany anyqtaldy. Eger býhgalterlik esepsiz naqty qarjylyq tártip buzýshylyqty eseptesek, onyń mólsheri 16 milliard teńgeni qurap otyr. Bul kórsetkish 2017 jyly 70 milliard teńge bolǵan edi. Osylaisha, qarjylyq tártiptiń jaqsara túskeni baiqalady, – dedi N.Godýnova.
Esep komitetiniń tóraiymy memlekettik jáne salalyq baǵdarlamalar biýdjetiniń tiimdiligine júrgizilgen baǵalaý nátijeleri jóninde málimet berdi. Sondai-aq, jalpy ekonomikalyq jáne qarjylyq josparlaý sapasyn arttyrý úshin Úkimetpen birlesip qabyldaǵan sharalar týraly baiandady.
Kezdesý sońynda Memleket basshysy Esep komitetine «Nur Otan» partiiasynyń XVIII sezinde aitylǵan áleýmettik baǵdarlamalar men bastamalardyń júzege asyrylýyna tiisti baqylaý jasaýdy tapsyrdy.
