Nursultan Nazarbaev Rejep Taiip Erdoǵanǵa Túrkiia Respýblikasynyń Prezidenti laýazymyna sailanýyna bailanysty quttyqtaý jedelhatyn joldady, habarlaidy "Ult aqparat" Aqordaǵa silteme jasap.
Memleket basshysy Qazaqstan halqynyń jáne jeke óziniń atynan Rejep Erdoǵandy Túrkiia Respýblikasy Prezidentiniń sailaýyndaǵy aiqyn jeńisimen quttyqtady.
«Sailaý nátijeleri túrik halqynyń Sizdiń el basshysy laýazymyndaǵy qyzmetińizdi joǵary baǵalap, júrgizip otyrǵan saiasi jáne ekonomikalyq reformalaryńyzǵa, sondai-aq damýdyń strategiialyq baǵyttaryna shynaiy qoldaý bildirgenin kórsetti.
Qazaqstan men Túrkiia arasyndaǵy ózara qurmet pen baýyrlastyqqa negizdelgen dástúrli dostyq qarym-qatynas eki halyqtyń múddelerine qyzmet etip, bolashaqta bizdiń strategiialyq áriptestigimiz sapaly jańa deńgeige kóteriledi dep senemin, - delingen jedelhatta.
Sońynda Nursultan Nazarbaev Rejep Erdoǵanǵa zor densaýlyq, jaýapty qyzmetine tabys, al baýyrlas túrik halqyna baq-bereke tiledi.
