Kommýnaldyq tarifter salasyna júrgizilgen tekserýdiń qorytyndysy alańdatyp otyr. Bul týraly Aqordada Qaýipsizdik keńesiniń otyrysynda Memleket basshysy Nursultan Nazarbaev málim etti, dep habarlaidy QazAqparat.
«Joldaýda halyqtyń ál-aýqatyn kóterýge qatysty negizgi basymdyqtar atalyp ótti. Bul jumystar halyqtyń áleýmettik jaǵdaiyn kóterýge negizdeldi. Sondyqtan kommýnaldyq qyzmet jónindegi sharýany Bas prokýrorǵa tekserýge tapsyrma berdim. Sáikesinshe, tiisti tekserý júrgizilip, onyń nátijesi óte kúrdeli bolǵannan keiin, osy máseleni Qaýipsizdik Keńesiniń otyrysyna shyǵaryp, sizdermen talqylaýdy uiǵardym. Bul turǵyda turǵyndardyń ál-aýqatyna qatysy bar elektr qýaty men jylý tarifi máselesin qaraityn bolamyz», - dep toqtaldy Elbasy.
Osy oraida Prezident Joldaýda tabiǵi monopoliia qyzmetiniń tarifin belgileý boiynsha tártipti ornatý týraly ádeii tapsyrma bergenin eske salyp ótti.
«Bas prokýratýra tekserisiniń nátijesi qatty alańdatady», - dep atap ótti Memleket basshysy.
Budan buryn habarlanǵandai, jaqynda QR Bas prokýrory Qairat Qojamjarov kommýnaldyq tarifter salasyna júrgizilgen tekserýdiń nátijesin jariialady.
«Astanaenergosbyt» negizsiz tariftiń arqasynda elorda turǵyndarynan 2,6 mlrd teńgege artyq qarjy alǵany málim boldy.
.jpeg)