Memleket basshysy Nursultan Nazarbaev Birikken Arab Ámirlikterine jumys sapary barysynda Abý-Dabidiń taq murageri, Birikken Arab Ámirlikteriniń Qarýly Kúshteri Joǵarǵy Bas qolbasshysynyń orynbasary sheih Muhammed ben Zaid Ál Nahaiannyń shaqyrýymen «Zayed Sports City» stadionynda ótken Dúniejúzilik Arnaiy Olimpiada oiyndarynyń saltanatty ashylý rásimine qatysty, dep habarlaidy "Ult aqparat" Aqordaǵa silteme jasap.
Biylǵy 14-21 naýryz aralyǵynda Abý-Dabi qalasynda ótetin Arnaiy Olimpiada oiyndary - Taiaý Shyǵys jáne Soltústik Afrika elderiniń tarihyndaǵy alǵashqy sport saiysy. Bul sharaǵa álemniń 170-ten astam elinen sporttyń 24 túri boiynsha saiysqa túsetin 7500-den asa sportshy qatysýda.
Qazaqstannan ústel tennisi, tennis, dziýdo, sýda júzý, paýerlifting, jeńil atletika, voleibol, basketbol, shaǵyn fýtbol, golf, bochche, gimnastika, boýling, rolikpen júgirý jáne badminton siiaqty sporttyń 15 túri boiynsha 67 sportshy jarysqa túsedi.
