Dini qundylyqtardyń saiasi ideologiiadan ara jigin ajyratý kerek. Bul týraly búgin elordada ótip jatqan Álemdik jáne dástúrli dinder kóshbasshylarynyń VI sezinde QR Prezidenti Nursultan Nazarbaev aitty, dep habarlaidy "Ult aqparat".
«Barlyǵyna qoljetimdi bilimniń bolmaýy qazirgi zamannyń jahandyq problemalarynyń biri bolyp qalýda. Búginde álemde 750 million adam jaza da, oqi da almaidy. Bilim men ǵylymǵa jappai tartpai kedeishilik pen joqshylyqty eńserýge bolmaidy», - dedi Memleket basshysy.
Qazaqstan Prezidenti bilim radikalizm ideialarynyń kez kelgen kórinisterine qarsy turaqty immýnitettiń negizi sanalatyndyǵyn basa aitty.
«Bul rette dini saýattylyq tótenshe mańyzdy mánge ie. Qazir onyń platformasyn túrli psevdodini uiymdar belsendi paidalanyp otyr. Sondyqtan álemdik jáne dástúrli dinder dini qundylyqtardyń saiasi ideologiiadan ara jigin ajyratý boiynsha jumystar júrgize alar edi», - dedi Nursultan Nazarbaev.
