Úkimettiń keńeitilgen otyrysynda QR Prezidenti Nursultan Nazarbaev óz bankterin tonaǵan aktsionerlerdi synady, dep habarlaidy QazAqparat.
«Elge kelip bank quryp, jumysyn bastaidy. Adamdar senip, aqshalaryn salady, sonymen qatar kvazimemlekettik sektor da qarjysyn salady. Keiinnen aktsionerler qarjyny jymqyrýdy bastaidy. Osy zańsyzdyq úshin olardy túrmege otyrǵyzýǵa zańdar joq. Olar qashqannan keiin, atalǵan adamdy izdep áýre bolamyz. Daniiar, basyńmen jaýap beresiń. Qajetti zańmen qamtamasyz ettik, endi salaǵa jaýap ber. Bank jumys istep turǵanda aktsionerler qarjyny urlamaýy tiis. Ózderiniń bankterin urlap, joq qylady», - dedi Prezident Ulttyq bank tóraǵasy Daniiar Aqyshevke qarata aitqan sózinde.
Elbasy ekonomikany bankrottan tazartpai, elde damý úrdisi durys júrmeitinin atap ótti.
«Bul máselelerdi sheshpesek, Úkimet te, bankter de únemi súrine beredi. Neden qorqamyz? Bankrottyq institýty naryqtyq elderde aitarlyqtai keńinen taraǵan. Sizder Úkimet nemese ministr emes, qorqaqsyńdar. Sheshim qabyldaý úshin qol-aiaqtaryń dirildep turady. Onda ne úshin jumys istep otyrsyńdar?!», - dedi Nursultan Nazarbaev.
