ٷكٸمەتتٸڭ كەڭەيتٸلگەن وتىرىسىندا قر پرەزيدەنتٸ نۇرسۇلتان نازارباەۆ ٶز بانكتەرٸن توناعان اكتسيونەرلەردٸ سىنادى, دەپ حابارلايدى قازاقپارات.
«ەلگە كەلٸپ بانك قۇرىپ, جۇمىسىن باستايدى. ادامدار سەنٸپ, اقشالارىن سالادى, سونىمەن قاتار كۆازيمەملەكەتتٸك سەكتور دا قارجىسىن سالادى. كەيٸننەن اكتسيونەرلەر قارجىنى جىمقىرۋدى باستايدى. وسى زاڭسىزدىق ٷشٸن ولاردى تٷرمەگە وتىرعىزۋعا زاڭدار جوق. ولار قاشقاننان كەيٸن, اتالعان ادامدى ٸزدەپ ەۋرە بولامىز. دانييار, باسىڭمەن جاۋاپ بەرەسٸڭ. قاجەتتٸ زاڭمەن قامتاماسىز ەتتٸك, ەندٸ سالاعا جاۋاپ بەر. بانك جۇمىس ٸستەپ تۇرعاندا اكتسيونەرلەر قارجىنى ۇرلاماۋى تيٸس. ٶزدەرٸنٸڭ بانكتەرٸن ۇرلاپ, جوق قىلادى», - دەدٸ پرەزيدەنت ۇلتتىق بانك تٶراعاسى دانييار اقىشەۆكە قاراتا ايتقان سٶزٸندە.
ەلباسى ەكونوميكانى بانكروتتان تازارتپاي, ەلدە دامۋ ٷردٸسٸ دۇرىس جٷرمەيتٸنٸن اتاپ ٶتتٸ.
«بۇل مەسەلەلەردٸ شەشپەسەك, ٷكٸمەت تە, بانكتەر دە ٷنەمٸ سٷرٸنە بەرەدٸ. نەدەن قورقامىز? بانكروتتىق ينستيتۋتى نارىقتىق ەلدەردە ايتارلىقتاي كەڭٸنەن تاراعان. سٸزدەر ٷكٸمەت نەمەسە مينيستر ەمەس, قورقاقسىڭدار. شەشٸم قابىلداۋ ٷشٸن قول-اياقتارىڭ دٸرٸلدەپ تۇرادى. وندا نە ٷشٸن جۇمىس ٸستەپ وتىرسىڭدار?!», - دەدٸ نۇرسۇلتان نازارباەۆ.
