Qazaqstan Prezidenti Birikken Ulttar Uiymy Órkenietter aliansynyń Joǵary ókili Nasir Abdýláziz ál-Nasermen kezdesti, dep habarlaidy "Ult aqparat" Aqordaǵa silteme jasap.
Memleket basshysy sezge qatysqany úshin Nasir Abdýláziz ál-Naserge rizashylyq bildirip, Órkenietter aliansy Qazaqstannyń osy bastamasyna turaqty qoldaý kórsetip kele jatqanyn atap ótti.
«Qazaqstan kópkonfessiialy memleket retinde konfessiiaaralyq dialogty damytý isine óz úlesin qosyp keledi. Bul Ózińiz ókildik etetin uiymnyń maqsattaryna sai keledi», - dedi Nursultan Nazarbaev.
Órkenietter aliansynyń Joǵary ókili forýmǵa qatysýǵa múmkindik berilgeni úshin Memleket basshysyna alǵys aityp, álemde mádenietter arasyndaǵy ózara túsinistikti damytýda Qazaqstannyń róli airyqsha ekenin atap ótti.
«Men Álemdik jáne dástúrli dinder kóshbasshylarynyń sezine úshinshi ret qatysyp otyrmyn. Buǵan deiin men eshqashan osynshama túrli din ókilderimen kezdesken emespin. Órkenietaralyq dialogty damytý jolyndaǵy elderińizdiń kúsh-jigerin joǵary baǵalaimyn», - dedi Nasir Abdýláziz ál-Naser.
Kezdesý barysynda Qazaqstan Prezidenti halyqtar arasyndaǵy beibitshilikti, dostyq pen yntymaqtastyqty nyǵaitýǵa jáne qoǵamdaǵy ózara kelisimdi saqtaýǵa qosqan úlesi úshin Nasir Abdýláziz ál-Naserdi II dárejeli «Dostyq» ordenimen marapattady.
