Nursultan Nazarbaevtyń tóraǵalyǵymen «Nur Otan» partiiasynyń kezekten tys HIH sezi ótti, dep habarlaidy "Ult aqparat" Elbasynyń Baspasóz qyzmetine silteme jasap.
Kezekten tys ótken HIH sezdiń kún tártibine sáikes Qazaqstan Respýblikasynyń Prezidenti sailaýyna «Nur Otan» partiiasynyń atynan úmitker usyný jónindegi másele qaraldy.
Partiialastarynyń aldynda sóilegen sózinde Elbasy Nursultan Nazarbaev aýyr daǵdarys jaǵdaiynda bastalǵan táýelsiz Qazaqstandy qalyptastyrý joly ońai bolmaǵanyn eske saldy.
– Ekonomikanyń jappai kúireýi halyqtyń basym kópshiligin kúizeliske ushyratty. Kóptegen sarapshylar etnosaralyq shielenister men qaqtyǵystar bolady dep boljam jasady. Biraq, biz ózimizdiń egemen elimizde beibitshilik pen kelisim jaǵdaiynda ómir súrýge laiyqty ekenimizdi búkil álemge dáleldedik. Meniń «aldymen ekonomika, sosyn saiasat» degen negizgi qaǵidatym durystyǵyn dáleldedi, – dedi «Nur Otan» partiiasynyń Tóraǵasy.
Qazaqstannyń Tuńǵysh Prezidenti durys júrgizilgen saiasattyń arqasynda elimizdiń postkeńestik keńistiktegi qarqyndy damyp kele jatqan memleketke ainalǵanyn aitty.
«Nur Otan» partiiasynyń Tóraǵasy joldardyń qurylysy men qaita jóndelýiniń zor nátijelerin atap ótip, Táýelsizdik jyldaryndaǵy qazaqstandyqtardyń tabysynyń ósimine toqtaldy.
– Biz úshin eń qiyn bolǵan jyldarda men myńdaǵan jas qazaqstandyqtardy álemniń úzdik ýniversitetterine jiberdim. Búginde ozyq bilim berý júiesin Qazaqstanda qalyptastyramyz. Onyń ózegi Nazarbaev ziiatkerlik mektepteri men Nazarbaev Ýniversiteti bolmaq, – dedi Elbasy.
Nursultan Nazarbaev densaýlyq saqtaý isi men mádeniet salasyndaǵy jetistikterge de toqtaldy.
– Maǵan óz halqymmen birge táýelsiz Qazaqstandy qurý mártebesi buiyrǵanyn maqtan tutamyn. Qiyn zamanǵa qaramastan halqym meniń bastamalaryma árdaiym qoldaý kórsetti. Sonyń arqasynda biz barlyq nátijelerge qol jetkizdik. Men elimizdiń halqyna rizashylyǵymdy bildiremin, – dedi Qazaqstannyń Tuńǵysh Prezidenti.
Sonymen qatar, «Nur Otan» partiiasynyń Tóraǵasy Qazaqstannyń odan ári tabysty damýyn bizdiń baǵdarymyzdyń sabaqtastyǵy ǵana qamtamasyz etetinin aitty.
– Tórtinshi ónerkásiptik revoliýtsiia talaptaryna sáikes elimizdi tehnologiialyq jáne infraqurylymdyq turǵydan damytýdyń jańa kezeńine qadam bastyq. Tsifrlandyrý jáne innovatsiiany engizý esebinen eńbek ónimdiligi men ekonomikanyń básekege qabilettiligi artty. Osy aýqymdy jumystardyń bári búkil qazaqstandyqtardyń ál-aýqatyn arttyrýǵa baǵyttalǵan, – dedi Elbasy.
Nursultan Nazarbaev Konstitýtsiia boiynsha ózine bekitilgen ókilettilikterge sáikes Otanymyzdy órkendetý úshin jumys istei beretinin aitty.
– Men tóraǵa bolyp qala beretin Qazaqstan halqy Assambleiasy aiasynda atqaratyn jumys kóp. Qoǵamdyq kelisim men ultymyzdyń birligin nyǵaitý úshin isimizdi jalǵastyra beremiz. Qaýipsizdik Keńesin basqara otyryp, men ózimniń kópjyldyq tájiribemdi ishki jáne syrtqy saiasatty anyqtai otyryp, elimizdi damytýdyń birqatar negizgi máselelerin sheshýge baǵyttaimyn. Men burynǵysynsha eń iri «Nur Otan» saiasi partiiasynyń Tóraǵasy bolyp qala beremin, – dedi Qazaqstannyń Tuńǵysh Prezidenti.
Elbasy Nursultan Nazarbaev tańdap alǵan saiasi jáne ekonomikalyq baǵdar sabaqtastyǵynyń saqtalýyna partiia kepil bolýǵa jáne belgilengen mindetterdiń bárin júzege asyrýǵa tiis ekenin aitty.
– Jańǵyrýdyń tiimdiligin, sonyń ishinde partiianyń «Baqytty otbasy», «Qutty meken», «Aýyl – El besigi» jáne «Halyqqa kómek» jobalaryn júzege asyrý aiasynda árbir qazaqstandyqtyń sezinýine qol jetkizýimiz kerek, – dedi «Nur Otan» partiiasynyń Tóraǵasy.
Qazaqstannyń Tuńǵysh Prezidenti qazaqstandyqtardan óz atyna kóptegen hat kelip jatqanyn aityp, qazaqstandyqtardyń dostyǵy men quqyqtarynyń teńdigi ózgermeitinine senim bildirdi.
Nursultan Nazarbaev Qasym-Jomart Toqaevty elimizdegi joǵary laýazymǵa laiyqty úmitker ekenin aityp, onyń Otan aldyndaǵy sińirgen eńbegi men jetken jetistikterine toqtaldy.
– Qasym-Jomart Toqaev menimen birge táýelsizdiktiń alǵashqy jyldarynan bastap qyzmettiń túrli salasynda jumys istedi. Ol – uzaq jyldar Syrtqy ister ministrligine jetekshilik etip, Qazaqstannyń syrtqy saiasatyn birge qalyptastyrýǵa atsalysqandardyń biri. Onyń diplomatiialyq dárejesi shetelde joǵary baǵalanady. Qasym-Jomart Toqaevtyń BUU Bas hatshysynyń orynbasary bolǵanyn jáne tájiribeli memleket saiasatkeri ekenin jaqsy bilesizder, – dedi Qazaqstannyń Tuńǵysh Prezidenti.
Sondai-aq, Elbasy respýblikalyq qoǵamdyq sailaý shtabynyń jumysyn úilestirýdi tapsyryp, azamattardyń barlyq sanatymen jumys júrgizýdiń qajettiligine nazar aýdardy.
Sońynda Qazaqstannyń Tuńǵysh Prezidenti qazirgi jaǵdaida turaqty damyp, ósip-órkendeý úshin halyqtyń birligi bekem bolýy jáne barsha qazaqstandyqtardyń birlese kúsh-jumyldyrýy qajet ekenin atap ótti.
– Biz bul kezeńdi esh qiyndyqsyz eńseretinimizge senimdimin. Bizdiń maqsatymyz – halqymyzdyń ál-aýqatyn arttyrý jáne elimizdi odan ári ilgeriletý. Memleketke qurmet kórsetý, azamattardyń bir-birin syilaýy – turaqtylyqtyń belgisi, – dedi Nursultan Nazarbaev.
