Elbasy Nursultan Nazarbaev «Bolashaq» baǵdarlamasynyń bir bóligin «Nazarbaev Ýniversitetine» oqytýǵa baǵyttaýdy usyndy, dep habarlaidy Ult.kz tilshisi QazAqparat agenttigine silteme jasap.
«Bolashaq» baǵdarlamasy qarjysynyń bir bóligin atalǵan ýniversitette bilim berýge baǵyttaýdyń ýaqyty jetti. Osynda seriktestik innovatsiianyń pármendi ekojúiesin qalyptastyrý mańyzdy. Álemge ózderiniń ideiasyn usynatyn jas ǵalymdar konsýltatsiialar, bastapqy kapital, zańgerlik qyzmet túrindegi júieli qoldaýdy alýy tiis»,-dedi Memleket basshysy.
Prezidenttiń paiymynsha, ýniversitette otandyq JOO-lardyń basqarýshylary men muǵalimderi bilim alýy tiis, sodan keiin osynda jinaqtalǵan úzdik tájiribeni elimizdegi barsha joǵary oqý oryndaryna engizý kerek.
«Bul oqý orny Táýelsizdik jyldarynda tabysty júzege asyrylǵan jobalardyń biri. Birtindep osynda bilikti otandyq kadrlarmen jeke ǵylymi mektep qalyptasady. Keshekte túlekter bul oqý ornynda ǵalym atanady jáne olardyń jobalary elimizde jáne shetelde moiyndalady dep senemin», - dedi Nursultan Nazarbaev.
Aita keteiik, Elbasy biyl Nazarbaev Ýniversitetin támamdaǵan túlekterdi quttyqtap, doktorantýra baǵdarlamasynyń alǵashqy toǵyz túlegine diplomdaryn tabystady. Biyl oqý bitirgen stýdentter sany 737 adam, onyń ishinde bakalavriat baǵdarlamasy boiynsha 499 túlek, magistratýra baǵdarlamasy boiynsha 229 stýdent jáne PhD dárejesine ie bolǵan doktorantýra baǵdarlamasynyń eń alǵashqy 9 túlegi bar. Erekshe úlgidegi diplomǵa 75 túlek ie boldy.
.jpeg)