Syrttan áser etýdiń bir tásili - jat dini ilimderdi halyq arasyna sińdirý. Bul týraly Nursultan Nazarbaev Qazaqstan musylmandary dini basqarmasynyń ókilderimen kezdesý kezinde aitty, - dep habarlaidy "Ult aqparat" Aqordanyń baspasóz qyzmetine silteme jasap.
"Qazaqstannyń aýmaǵy úlken, tabiǵi resýrstarǵa bai ekeni bárine belgili. Bizge kóz alartyp otyrǵandar bar. Bizdi kóre almaityndar qoǵamymyzda alaýyzdyq týdyrǵysy keledi. Bizge syrttan áser etýdiń bir tásili - jat dini aǵymdardy sińdirý. Sońǵy ýaqytta osyndai úderis baiqalyp otyr. Memleketimizge qaýip tóndiretin mundai kórinistermen kúresýimiz kerek. Osyǵan bailanysty sizderge úlken mindet artylady", - deidi Nazarbaev imamdarǵa.
Elbasy aqparattyq tehnologiialar damyǵan zamanda Qazaqstan ulttyq qundylyqtaryn, mádenieti men dástúrin saqtap qalý kerektigin atap ótti.
Nursultan Nazarbaev qazaqstandyqtar úshin Hanafi mázhabynyń qandai sipatta ekenine nazar aýdaryp, islamnyń osy baǵyttaǵy negizin túsindire alatyn mamandardy daiarlaý qajettiligin aitty.
"Búginde QMDB-da 3800 imam jumys isteidi. Jartysynan kóbi dini saýatyn kóterý kýrsynan ótti. Biraq bul jetkilikti emes. Imamdar men mamandardyń bilimin qalai arttyrý kerektigin túsinýimiz kerek. Bilimdi imam ǵana durys baǵyt bere alady. Imamdar ideolog bolý kerek, olar sóz sheberligi men adam psihologiiasyn meńgerýi qajet", - dedi Elbasy.
Video: kaz.tengrinews.kz
