Qazaqstan Prezidenti Nursultan Nazarbaev birneshe ministrlikti qaita qurdy, - dep habardaidy "Ult aqparat" Aqordaǵa silteme jasap.
Aqordanyń saitynda Qazaqstan Respýblikasy Konstitýtsiiasynyń 44-babynyń 3) tarmaqshasyna sáikes memlekettik basqarý júiesiniń tiimdiligin arttyrý maqsatynda bylai dep qaýly shyqqany habarlandy:
1) Qazaqstan Respýblikasynyń Densaýlyq saqtaý jáne áleýmettik damý ministrligi áleýmettik-eńbek salasyndaǵy memlekettik saiasatty qalyptastyrý jáne júrgizý salasyndaǵy fýnktsiialary men ókilettikteri berile otyryp, Qazaqstan Respýblikasynyń Eńbek jáne halyqty áleýmettik qorǵaý ministrligine;
densaýlyq saqtaý salasyndaǵy memlekettik saiasatty qalyptastyrý jáne júrgizý salasyndaǵy fýnktsiialary men ókilettikteri berile otyryp, Qazaqstan Respýblikasynyń Densaýlyq saqtaý ministrligine bólý arqyly;
2) Qazaqstan Respýblikasynyń Investitsiialar jáne damý ministrligi eksportty ilgeriletýge jaýapty retinde aiqyndalyp, týristik qyzmet salasyndaǵy fýnktsiialary men ókilettikteri Qazaqstan Respýblikasynyń Mádeniet jáne sport ministrligine berile otyryp;
3) Qazaqstan Respýblikasynyń Ulttyq ekonomika ministrligi:
halyqtyń sanitariialyq-epidemiologiialyq salamattylyǵy salasyndaǵy memlekettik saiasatty iske asyrý jónindegi fýnktsiialary men ókilettikteri Qazaqstan Respýblikasynyń Densaýlyq saqtaý ministrligine;
eldi mekenderdiń shekarasy (syzyqtary) sheginde elektrmen jabdyqtaý (0,4 kV elektr jelisi obektileri), ortalyqtandyrylǵan jylýmen jabdyqtaý aimaǵynda jylý energiiasyn óndirýdi júzege asyratyn, belgilengen qýaty 100 Gkal/saǵattan tómen qazandyqtar (avtonomdy qazandyqtardan basqa) bóliginde jylýmen jabdyqtaý, gaz jáne gazben jabdyqtaý salasyndaǵy memlekettik saiasatty qalyptastyrý jáne iske asyrý jónindegi fýnktsiialary men ókilettikteri Qazaqstan Respýblikasynyń Energetika ministrligine;
sáýlet, qala qurylysy, qurylys, turǵyn úi qatynastary, sýmen jabdyqtaý, sý burý, kommýnaldyq sharýashylyq jáne kommýnaldyq qaldyqtarmen (qatty-turmystyq qaldyqtardy qospaǵanda) jumys isteý salasyndaǵy memlekettik saiasatty qalyptastyrý jáne iske asyrý jónindegi fýnktsiialary men ókilettikteri Qazaqstan Respýblikasynyń Investitsiialar jáne damý ministrligine berile otyryp qaita uiymdastyrylsyn.
2. Memlekettik organdar beriletin fýnktsiialar men ókilettikterge sáikes qaita uiymdastyrylatyn memlekettik organdardyń quqyqtary men mindettemeleriniń quqyqtyq mirasqorlary bolyp belgilensin.
3. Qazaqstan Respýblikasynyń Úkimeti:
1) qaita uiymdastyrylatyn memlekettik organdardyń shtat sanyn Qazaqstan Respýblikasy Prezidentiniń Ákimshiligimen kelisý boiynsha qaita bólýdi;
2) 2017 jylǵy 1 shildege deiin osy Jarlyqty iske asyrý boiynsha ózge de sharalar qabyldaýdy qamtamasyz etsin.
4. "Qazaqstan Respýblikasy Úkimetiniń qurylymy týraly" Qazaqstan Respýblikasy Prezidentiniń 1999 jylǵy 22 qańtardaǵy № 6 Jarlyǵyna mynadai ózgeris pen tolyqtyrý engizilsin:
1-tarmaqta:
mynadai mazmundaǵy joldarmen tolyqtyrylsyn:
"Qazaqstan Respýblikasynyń Densaýlyq saqtaý ministrligi;
Qazaqstan Respýblikasynyń Eńbek jáne halyqty áleýmettik qorǵaý ministrligi.";
"Qazaqstan Respýblikasynyń Densaýlyq saqtaý jáne áleýmettik damý ministrligi;" degen jol alyp tastalsyn.
5. Osy Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelsin.
6. Osy Jarlyq qol qoiylǵan kúninen bastap qoldanysqa engiziledi.", - delingen Qaýlyda.
.jpeg)