QR Prezidenti Nursultan Nazarbaev Astana qalasyndaǵy órt saldarynan qaza bolǵan balalardyń ata-anasy men týysqandaryna kóńil aitty, dep habarlaidy "Ult aqparat" Aqordanyń baspasóz qyzmetine silteme jasap.
«Keshe Astanada aýyr qaiǵyly oqiǵa boldy. Órt saldarynan bir otbasy bes birdei perzentinen aiyrylyp qaldy.
Qaza bolǵan balalardyń ata-anasy men týysqandaryna kóńil aitamyn.
Osyǵan bailanysty men Úkimetke jáne Astana qalasynyń ákimi Baqyt Sultanovqa zardap shekkenderge qajetti kómek kórsetýdi tapsyrdym.
Barlyq óńirdiń ákimderi quzyrly organdarmen birlesip, órt qaýipsizdigin qamtamasyz etý úshin baqylaýdy kúsheitýi kerek, sondai-aq tiisti tekserister uiymdastyryp, halyq arasynda túsindirý jumystaryn júrgizýi qajet.
Mundai jaǵdai qaitalanbas úshin barlyq tiisti sharalardy qabyldaǵan jón», - delingen habarlamada.
Eske sala keteiik, 4 aqpan kúni túnde «Kóktal-1» turǵyn úi alabynda jeke úidiń aýlasynda turǵyzylǵan ýaqytsha baspanada órt shyqty. Órtti sóndirý barysynda 2006, 2008, 2014, 2016, 2018 jylǵy 5 qyz balanyń denesi tabyldy. Olardyń kishisi nebári 11 ailyq sábi edi. Órt kezinde bes balanyń ata-anasy túngi jumysta bolǵan.
Búgin 5 balany elordalyqtar aqtyq saparǵa shyǵaryp saldy.
