قر پرەزيدەنتٸ نۇرسۇلتان نازارباەۆ استانا قالاسىنداعى ٶرت سالدارىنان قازا بولعان بالالاردىڭ اتا-اناسى مەن تۋىسقاندارىنا كٶڭٸل ايتتى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
«كەشە استانادا اۋىر قايعىلى وقيعا بولدى. ٶرت سالدارىنان بٸر وتباسى بەس بٸردەي پەرزەنتٸنەن ايىرىلىپ قالدى.
قازا بولعان بالالاردىڭ اتا-اناسى مەن تۋىسقاندارىنا كٶڭٸل ايتامىن.
وسىعان بايلانىستى مەن ٷكٸمەتكە جەنە استانا قالاسىنىڭ ەكٸمٸ باقىت سۇلتانوۆقا زارداپ شەككەندەرگە قاجەتتٸ كٶمەك كٶرسەتۋدٸ تاپسىردىم.
بارلىق ٶڭٸردٸڭ ەكٸمدەرٸ قۇزىرلى ورگاندارمەن بٸرلەسٸپ, ٶرت قاۋٸپسٸزدٸگٸن قامتاماسىز ەتۋ ٷشٸن باقىلاۋدى كٷشەيتۋٸ كەرەك, سونداي-اق تيٸستٸ تەكسەرٸستەر ۇيىمداستىرىپ, حالىق اراسىندا تٷسٸندٸرۋ جۇمىستارىن جٷرگٸزۋٸ قاجەت.
مۇنداي جاعداي قايتالانباس ٷشٸن بارلىق تيٸستٸ شارالاردى قابىلداعان جٶن», - دەلٸنگەن حابارلامادا.
ەسكە سالا كەتەيٸك, 4 اقپان كٷنٸ تٷندە «كٶكتال-1» تۇرعىن ٷي الابىندا جەكە ٷيدٸڭ اۋلاسىندا تۇرعىزىلعان ۋاقىتشا باسپانادا ٶرت شىقتى. ٶرتتٸ سٶندٸرۋ بارىسىندا 2006, 2008, 2014, 2016, 2018 جىلعى 5 قىز بالانىڭ دەنەسٸ تابىلدى. ولاردىڭ كٸشٸسٸ نەبەرٸ 11 ايلىق سەبي ەدٸ. ٶرت كەزٸندە بەس بالانىڭ اتا-اناسى تٷنگٸ جۇمىستا بولعان.
بٷگٸن 5 بالانى ەلوردالىقتار اقتىق ساپارعا شىعارىپ سالدى.
