Memleket basshysy Nursultan Qazaqstan men Resei arasynda qabyldanǵan "Baiqońyr" keshenindegi odan ári yntymaqtastyq tujyrymdamasynyń iske asyrylý barysymen, sondai-aq "Báiterek" birlesken jobasyna qatysty atqarylyp jatqan jumystarmen tanysty, - dep habarlaidy "Ult aqparat" Aqordaǵa silteme jasap.
"Reseimen jasalǵan ýaǵdalastyqtar aiasynda keshendi damytýdyń strategiialyq baǵyttary aiqyndaldy. Arnaiy qurylǵan úkimetaralyq komissiia men úkimetterimiz tiisti jumysty úilestirýde. Naqty sharalar qabyldanyp jatyr", - dedi Nursultan Nazarbaev.
Osy oraida Qazaqstan Prezidenti óńirdiń ekologiialyq qaýipsizdigin arttyrýdyń mańyzdylyǵyn atap ótti.
Budan bólek, Memleket basshysyna Baiqońyr qalasyn damytý perspektivalary men turǵyndardyń ál-aýqatyn arttyrýǵa baǵyttalǵan is-sharalar jóninde baiandaldy.
"Qalanyń bolashaǵy zor. Qajetti infraqurylym damyp keledi. Qala gazben qamtamasyz etilip, turǵyn-úi keshenderi men áleýmettik nysandar salynatyn bolady. Sondai-aq, jergilikti halyqty jumyspen qamtý úshin birlesken kásiporyndar qurý qajet", - dedi Memleket basshysy.
