Qazaqstan Respýblikasynyń Tuńǵysh Prezidenti Nursultan Nazarbaevtyń tóraǵalyǵymen keńes ótti, dep habarlaidy Elbasynyń baspasóz qyzmeti.
Jiynǵa Qazaqstan Respýblikasynyń Tuńǵysh Prezidenti – Elbasy Keńsesiniń Basshysy M.Qasymbekov, kómekshisi – Qazaqstan Respýblikasynyń Prezidenti Is Basqarýshysynyń Birinshi orynbasary A.Bisembaev, Qazaqstan Respýblikasynyń Tuńǵysh Prezidenti – Elbasy Keńsesiniń, sondai-aq Tuńǵysh Prezident Qory men kitaphanasynyń qurylymdyq bólimsheleriniń jetekshileri qatysty.
Jiyn barysynda Nursultan Nazarbaevqa Qazaqstan Respýblikasynyń Tuńǵysh Prezidenti Keńsesiniń qyzmetine bailanysty uiymdastyrýshylyq-quqyqtyq máselelerdiń aiaqtalǵany jóninde baiandaldy, sondai-aq, Elbasy Keńsesine kadrlardy irikteý jumystarynyń nátijeleri týraly aqparat usynyldy.
Nursultan Nazarbaev Tuńǵysh Prezident Keńsesiniń aldyna qoiylǵan mindetterdiń ýaqtyly jáne tiimdi oryndalýyn qamtamasyz etý qajettigin atap ótti.
– Men Tuńǵysh Prezident – Elbasynyń tiisti konstitýtsiialyq zańmen retteletin mindetterin atqarýǵa kiristim. Sonymen qatar, men Qaýipsizdik Keńesiniń, Qazaqstan halqy Assambleiasynyń tóraǵasymyn, «Nur Otan» partiiasyna basshylyq etýdi jalǵastyra beremin. Aldymyzda aýqymdy jumys tur. Osy qyzmetti qamtamasyz etý úshin Tuńǵysh Prezidenttiń Keńsesi quryldy. Uiymdastyrý máseleleriniń barlyǵy sheshildi. Endi bárimiz júktelgen mindetterdi oryndaýǵa kirisýimiz kerek, – dedi Elbasy.
Nursultan Nazarbaev memleketti odan ári damytý jónindegi strategiialyq mindetterdi sapaly sheshý maqsatymen vedomstvoaralyq ózara tiimdi yqpaldastyq ornatýdyń qajettiligin aitty.
– Búginde Prezident te, Úkimet te men bekitken baǵdarlamalyq qujattarda, Joldaýda qamtylǵan, sondai-aq partiia sezinde aitylǵan mindetterdi oryndaý baǵytynda jumys isteýde. Bárimiz Qazaqstannyń igiligi úshin, elimizdiń turaqtylyǵyn, birligi men damýyn qamtamasyz etý úshin jumys isteýge tiispiz. Bul – bárimizge ortaq mindet, – dedi Nursultan Nazarbaev.
Qazaqstannyń Tuńǵysh Prezidenti qoǵamdyq mańyzy bar bastamalardy júzege asyrýdyń mańyzdylyǵyna basa mán berdi. Bul rette, Elbasy Nursultan Nazarbaev Tuńǵysh Prezident qorynyń talantty jastarǵa jan-jaqty qoldaý kórsetýge baǵyttalǵan jobalaryn iske asyrýdyń ózektiligi atap ótti.
Jiyn qorytyndysy boiynsha Elbasy birqatar naqty tapsyrma berdi.
