Nursultan Nazarbaev Bank RBK jaǵdaiyna qatysty pikir bildirdi, - dep habarlaidy "Ult aqparat" kaz.tengrinews.kz portalyna silteme jasap.
"Nur Otan" partiiasynyń saiasi keńesi otyrysynda "Qazaqstan ulttyq tutynýshylar ligasynyny" basqarma tóraǵasy Svetlana Romanovskaia Nursultan Nazarbaevqa Bank RBK jaily baiandady.
"Qazirgi ýaqytta RBK bankine qatysty másele týyndap tur. Bizdiń kózqarasymyz boiynsha bank ádiletsiz áreket istep otyr. Maýsym aiynan bastap olardyń jaǵdaiy qiyndap keledi, barlyq salymshylar, klientter, sonyń ishinde kásipkerler qurdymǵa ketip jatyr. Men sizden ótinemin, biz sizdiń halyq úshin istep jatqan eńbegińizdi bilemiz... Sizdiń ipotekashylarǵa kómekteskenińiz de esimde. Bizdiń partiia sizdiń bastamańyzben sheshim qabyldady. Bank RBK salymshylaryna kómektesýińizdi suraimyn", - dedi ol.
"Men bul máseleni bilemin. Jaqsy bilemin. Onda ne bolǵanyn da bilemin. Bul jerde aktsionerlerdiń qarajat jymqyrýy...", - dedi Memleket basshysy.
"Biz ony qaita qalpyna keltiremiz. Urylar ózderi otyrýy kerek jerde otyratyn bolady. Aqshany qaitarýyn talap etip, bank jumysynyń qaita qalpyna kelýi úshin tyrysatyn bolamyz. Aktsionerler men ásirese qarapaiym adamdar óz qarajattaryn alýy kerek. Onda taǵy birneshe másele bar. Qazirgi ýaqytta Ulttyq bankpen belsendi túrde jumys istep jatyr", - dedi Nazarbaev.
