نۇرسۇلتان نازارباەۆ Bank RBK جاعدايىنا قاتىستى پٸكٸر بٸلدٸردٸ, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ.
"نۇر وتان" پارتيياسىنىڭ ساياسي كەڭەسٸ وتىرىسىندا "قازاقستان ۇلتتىق تۇتىنۋشىلار ليگاسىنىنى" باسقارما تٶراعاسى سۆەتلانا رومانوۆسكايا نۇرسۇلتان نازارباەۆقا Bank RBK جايلى باياندادى.
"قازٸرگٸ ۋاقىتتا RBK بانكٸنە قاتىستى مەسەلە تۋىنداپ تۇر. بٸزدٸڭ كٶزقاراسىمىز بويىنشا بانك ەدٸلەتسٸز ەرەكەت ٸستەپ وتىر. ماۋسىم ايىنان باستاپ ولاردىڭ جاعدايى قيىنداپ كەلەدٸ, بارلىق سالىمشىلار, كليەنتتەر, سونىڭ ٸشٸندە كەسٸپكەرلەر قۇردىمعا كەتٸپ جاتىر. مەن سٸزدەن ٶتٸنەمٸن, بٸز سٸزدٸڭ حالىق ٷشٸن ٸستەپ جاتقان ەڭبەگٸڭٸزدٸ بٸلەمٸز... سٸزدٸڭ يپوتەكاشىلارعا كٶمەكتەسكەنٸڭٸز دە ەسٸمدە. بٸزدٸڭ پارتييا سٸزدٸڭ باستاماڭىزبەن شەشٸم قابىلدادى. Bank RBK سالىمشىلارىنا كٶمەكتەسۋٸڭٸزدٸ سۇرايمىن", - دەدٸ ول.
"مەن بۇل مەسەلەنٸ بٸلەمٸن. جاقسى بٸلەمٸن. وندا نە بولعانىن دا بٸلەمٸن. بۇل جەردە اكتسيونەرلەردٸڭ قاراجات جىمقىرۋى...", - دەدٸ مەملەكەت باسشىسى.
"بٸز ونى قايتا قالپىنا كەلتٸرەمٸز. ۇرىلار ٶزدەرٸ وتىرۋى كەرەك جەردە وتىراتىن بولادى. اقشانى قايتارۋىن تالاپ ەتٸپ, بانك جۇمىسىنىڭ قايتا قالپىنا كەلۋٸ ٷشٸن تىرىساتىن بولامىز. اكتسيونەرلەر مەن ەسٸرەسە قاراپايىم ادامدار ٶز قاراجاتتارىن الۋى كەرەك. وندا تاعى بٸرنەشە مەسەلە بار. قازٸرگٸ ۋاقىتتا ۇلتتىق بانكپەن بەلسەندٸ تٷردە جۇمىس ٸستەپ جاتىر", - دەدٸ نازارباەۆ.
