Qazaqstan Prezidenti balasyn izgi danyshpan etip ósire alǵan ana týraly ańyz aityp berdi, dep habarlaidy Ult.kz tilshisi QazAqparat agenttigine silteme jasap.
«Bala týraly sóz qozǵaǵan kezde bir áńgime eske túsedi. Bir kúni bala mektepten anasyna muǵaliminiń hatyn ákelip beredi. Ana hatty ashyp, oqyǵan soń, kózinen eriksiz jas domalady. Balasy anasynan: «Anashym, nege jyladyńyz?! Hatta ne dep jazypty?» dep surai bastady. Anasy oǵan: «Hatta seni danyshpan depti, endi bul mektep seni ary qarai oqyta almaitynyn jazypty. Sen budan bylai úide, ata-ananyń qolynda ózdigimen oqýyńdy jalǵastyrýyń kerek. Kóp jyldar ótedi, anasy ómirden ozǵan. Ol eski qaǵazdardy aqtaryp otyryp, sol bir hatty taýyp alady. Onda: «Balańyz aqyl-esi kem damyǵan, endi ol bizdiń mektepte oqi almaidy» dep jazylypty. Ol kisi - Tomas Edison. Onyń jaryq shamdaryn áli kúnge deiin biz qoldanyp júrmiz. Uly ónertapqysh. Anasynyń bergen baǵasy men úlken senimi adamdy kemeńger etti», - dedi Prezident búgin Aqordada Halyqaralyq áielder kúni - 8 naýryz merekesine orai, «Kóktem shýaǵy» áielder qaýymdastyǵynyń názik jandy ókilderimen kezdesýinde.
«Sizder de, bizder de, otbasynyń otyna qamqor bolý, balaǵa tárbie berý Sizderdiń basty mindetterińizdiń biri. Ana sútinde bizdiń halyqtyń áleýmettik jady saqtalǵan. Analar eńbekke, qanaǵatqa, uqyptylyqqa tárbieleidi. Otbasynda tárbie degen eń basty qundylyq. Ana aitqan besik jyry adamdy ómir boiy birge júredi dep tegin aitpaǵan ǵoi. Barlyǵymyz da este saqtap júrmiz, tipti meniń de esimde», - dep atap ótti Elbasy.
Prezident saiasi jańǵyrtýda áielderdiń de róli joǵary ekenin erekshelep ótti.
«Jaqynda Konstitýtsiiany qarastyrdyq, birqatar ózgeristister engizdik, bul zaman talaby. Osylai isteý kerek boldy. Biz óz qoǵamymyzdy birtindep demokratiialandyratyndyǵymyzdy, ony jaqsartyp, qazirgi zamanǵa sáikestendire beretindigimizdi bunyń aldynda aitqan bolatynbyz», - dep jalǵady sózin Prezident.
Aita keteiik, kezdesýge Májilis depýtaty Zaǵipa Balieva, ǵalym-mikrobiolog Áliia Ernazarova, Ýniversiada-2017 chempiony Anna Shevchenko, QHA múshesi, aýyl mektebiniń direktory Irina Sedova, «Jas Atameken» jas kásipkerler klýbynyń prezidenti Zarina Kókjanova, aqyn Tolqyn Qabylsha, ánshi Mariia Galitskaia, «Teńizshevroil» JShS adam resýrstaryn basqarý bas menedjeri, aýdandyq aýrýhananyń bas dárigeri Qarlyǵash Rázieva, Ulttyq ekonomika vitse-ministri Mádina Ábilqasymova, «Astana-Balet» teatrynyń jetekshi balerinasy Milana Býkanova, kópbalaly ana Oksana Mýkasheva, qobyzdan halyqaralyq baiqaýlardyń laýreaty Aqerke Tájibaeva, Astana qalalyq kámeletke jasy tolmaǵandar isi jónindegi mamandandyrylǵan aýdanaralyq sottyń tóraǵasy Naziliia Razzak, Abai atyndaǵy memlekettik akademiialyq opera jáne balet teatrynyń solisi Oksana Davydenko, QR QK Parashiýt daiyndyǵy ortalyǵynyń aǵa mamany Rimma Ramazanova, aktrisa Saltanat Baqaeva, jýrnalist Venera Mirlanqyzy qatysýda.
.jpeg)