Memleket basshysy Nursultan Nazarbaev «Qazaqstan Respýblikasy Prezidentiniń buqaralyq aqparat quraldary salasyndaǵy syilyqtaryn berý, granttaryn tapsyrý jáne Alǵysyn jariialaý týraly» ókimge qol qoidy, dep habarlaidy Aqordanyń baspasóz qyzmeti.
Qazaqstan Respýblikasy Prezidentiniń buqaralyq aqparat quraldary salasyndaǵy syilyqtaryn berý, granttaryn tapsyrý jáne Alǵysyn jariialaý týraly
1. Eldiń áleýmettik-ekonomikalyq jáne qoǵamdyq-saiasi damýyn aqparattyq turǵydan qamtamasyz etý isindegi buqaralyq aqparat quraldarynyń eleýli rólin eskere otyryp, Qazaqstan Respýblikasy Prezidentiniń buqaralyq aqparat quraldary salasyndaǵy syilyqtaryn berý, granttaryn tapsyrý jáne Alǵysyn jariialaý jónindegi qoǵamdyq komissiianyń usynymyn qarai kelip:
Qazaqstan Respýblikasy Prezidentiniń buqaralyq aqparat quraldary salasyndaǵy syilyqtary berilsin:
Abdrahmanova Maira Qabiqyzyna - «Habar» agenttiginiń menshikti tilshisine, Qazaqstannyń jahandyq bastamalaryn jan-jaqty jariialap-kórsetkeni úshin;
Sembaev Maǵaýiia Slanbekulyna - Qaraǵandy oblystyq «Ortalyq Qazaqstan» gazetiniń bas redaktoryna, otandyq jýrnalistikanyń damýyna qosqan eleýli shyǵarmashylyq úlesi úshin;
Qazaqstan Respýblikasy Prezidentiniń buqaralyq aqparat quraldary salasyndaǵy granttary tapsyrylsyn:
Mager Iýliia Dmitrievnaǵa - «Kazahstanskaia pravda» jalpyulttyq gazetiniń tilshisine, Memleket basshysynyń syrtqy saiasattaǵy qyzmetin keńinen jariialap-kórsetkeni úshin;
Sháripov Aihan Pishenbaiulyna - «Aiqyn» respýblikalyq gazetiniń menshikti tilshisine, eldegi ekonomikalyq, áleýmettik jáne saiasi reformalar barysyn belsendi jariialap-kórsetkeni úshin;
Qazaqstan Respýblikasy Prezidentiniń buqaralyq aqparat quraldary salasyndaǵy Alǵysy jariialansyn:
«Astana» telearnasyndaǵy «Bizdiń ýaqyt» televiziialyq baǵdarlamasynyń shyǵarmashylyq ujymyna, qoǵamdy damytýdyń ózekti máselelerin jedel jariialap-kórsetkeni úshin;
«Mysl» respýblikalyq qoǵamdyq-saiasi jýrnalynyń shyǵarmashylyq ujymyna, qoǵamdy demokratiialandyrý jáne saiasi mádenietti jetildirý úderisterin jariialap-kórsetýge qosqan úlesi úshin;
Batys Qazaqstan oblystyq «Priýrale» gazetiniń shyǵarmashylyq ujymyna, óńirdi damytýdyń ózekti máselelerin jariialap-kórsetýge qosqan úlesi úshin;
«Habar 24» telearnasynyń shyǵarmashylyq ujymyna, otandyq televiziialyq jýrnalistikany damytýǵa qosqan eleýli úlesi úshin.
2. Osy ókim buqaralyq aqparat quraldarynda jariialansyn.
Qazaqstan Respýblikasynyń Prezidenti N.Nazarbaev
Astana, Aqorda, 2017 jylǵy «23» maýsym
№ 174
.jpeg)