Álemdik jáne dástúrli dinder liderleriniń sezi Hatshylyǵynyń kezekti otyrysynda Mádenietter men dinderdiń halyqaralyq ortalyǵyn qaita qurý bastamasy kóterildi, dep habarlaidy QazAqparat tilshisi.
QR Parlamenti Senatanyń tóraǵasy, Hatshylyq jetekshisi Qasym-Jomart Toqaev erteńgi sezdiń deklaratsiiasyna Mádenietter men dinderdiń halyqaralyq ortalyǵyn Nazarbaev atyndaǵy Dinder men órkenietter arasyndaǵy dialog ortalyǵy retinde qaita qurý máselesin engizýdi usyndy.
«Biyl Álemdik jáne dástúrli dinder liderleriniń sezine 15 jyl tolyp otyr. Osy ýaqyttyń ishinde atalǵan forým adamzattyń ózekti ári kúrdeli máseleleri sheshýdiń tiimdi alańyna ainaldy. II sezd kezinde Qazaqstan Prezidenti Nursultan Nazarbaev Mádenietter men dinderdiń halyqaralyq ortalyǵyn iske qosqan bolatyn. Atalǵan ortalyqtyń negizgi maqsaty - sezdiń barlyq sheshimderin iske asyrý. Bizdińshe, osy ispetti institýttardyń rólin kúsheitetin kez keldi. Sondyqtan Mádenietter men dinderdiń halyqaralyq ortalyǵyn Nazarbaev atyndaǵy Dinder men órkenietter arasyndaǵy dialog ortalyǵy retinde qaita qurýdy usynamyz. Osy bastamamyzǵa qoldaý bildiresiz dep senemiz. Shetelde osy saladaǵy ortalyqtar jaqsy jumys istep keledi. Nátijesi de bar. Biz de osy tájiribeni keńinen qoldanýymyz qajet. Sol sebepti Sizder qarsy bolmasańyz, biz atalǵan usynysty erteńgi sezdiń Delaratsiiasyna engizeiin dep otyrmyz», - dedi Qasym-Jomart Toqaev. Hatshylyq músheleri atalǵan bastamaǵa qarsylyq bildirgen joq.
Aita keteiik, Mádenietter men dinderdiń halyqaralyq ortalyǵy Qazaqstan Respýblikasy Prezidenti N.Á.Nazarbaevtyń Álemdik jáne dástúrli dinder liderleriniń II sezindegi kótergen bastamalaryn júzege asyrýǵa qatysty josparyna sáikes qurylǵan bolatyn. Ortalyq óz qyzmetin QR Ádilet ministrligi Din isteri komiteti aiasynda bastady. Odan keiin QR Mádeniet ministrliginiń Din isteri komiteti qaramaǵyna berildi. Artynan komitet Din isteri agenttigi bolyp qaita quryldy.
Búginde ortalyq QR Qoǵamdyq damý ministrligine qaraidy. Onyń negizgi maqsaty - Qazaqstannyń mádenietaralyq jáne konfessiiaaralyq suhbat ortalyǵy retindegi rólin jańa deńgeige kóterýge yqpal etý, Qazaqstannyń osy saladaǵy tájiribesin halyqaralyq dárejede tanytý.
Álemdik jáne dástúrli dinder liderleriniń kezekti sezi 10-11 qazan aralyǵynda ótedi. Sezdiń ashylýyna Serbiia prezidenti Aleksandr Výchich pen EQYU Bas hatshysy Tomas Greminger qatysady.
Otyrysqa Memleket basshysy Nursultan Nazarbaev tóraǵalyq etedi.
.jpeg)