Memleket basshysy Nursultan Nazarbaev astyq jinaý naýqanynyń tabysty aiaqtalýyna bailanysty eńbekkerlerge quttyqtaý joldady, dep habarlaidy "Ult aqparat" Aqordaǵa silteme jasap.
"Astyq jinaý - diqandar úshin ǵana emes, búkil elimiz úshin aitýly naýqannyń biri. Egin orý nátijeleri memlekettegi azyq-túlik qaýipsizdigi deńgeiin jáne qoǵamdaǵy áleýmettik-ekonomikalyq turaqtylyqty aiqyndaidy. Sizderdiń mańdai terlerińizdiń arqasynda Qazaqstan óziniń jetekshi astyq derjavasy ekenin taǵy da dáleldedi. 21 million tonnadan asa astyq jinaldy. Sonyń úshten ekisinen astamy álemdik standarttarǵa sai keletin joǵary sapaly ónimge jatady. Maily daqyldar egiletin egistik alqaby aitarlyqtai kóbeidi. Jalpy, astyq jinaý naýqanynyń qorytyndysy elimizdiń agroónerkásip kesheniniń áleýeti zor ekenin kórsetip otyr.
Búginde memleket aýyl sharýashylyǵy salasyn júieli túrde jetildirýge jáne ártaraptandyrýǵa baǵyttalǵan saiasat júrgizýde. Ony ári qarai ilgeriletýdiń mańyzdy sharty - qaita óńdelgen ónim shyǵarýǵa kóshý. Qazaqstan álemdegi eksporttyq aýyl sharýashylyǵy ónimderin shyǵaratyn iri eldiń biri bolýǵa tiis.
Biz halqymyzdyń ál-aýqatyn jaqsartý jolyndaǵy aýyl eńbekkerleriniń eńbegin joǵary baǵalaimyz. Sizderdi egin orý naýqanynyń tabysty aiaqtalýymen quttyqtaimyn! Barshańyzǵa zor densaýlyq jáne Otanymyzdy odan ári órkendetý jolynda tolaǵai tabys tileimin!", - delingen Elbasynyń quttyqtaýynda.
.jpeg)