Búgin Elbasy Nursultan Nazarbaev «EKSPO-2017» kórmesiniń daiyndyq barysyna jáne Astana qalasyn damytýǵa arnalǵan keńeste elordada kóp jyldan beri pátersiz júrgen turǵyndarǵa nazar aýdarýdy tapsyrdy, dep habarlaidy QazAqparat.
«Páter alý kezekteri bárinen buryn tirkeýge turý máselelelerimen bailanysty. Bólek bir ǵimarattarda ondaǵan nemese júzdegen azamat tirkeýge turady. Qalanyń Ońtústik Shyǵysy aýdanyndaǵy úilerdiń birinde 1 700-den astam adam tirkelgen. Tek bir ǵana úide osynshama adam tirkeýge engizilgen. «Prigorodnyi» shaǵyn aýdanynda ornalasqan jataqhanadaǵy bir bólmede 1 200 adam tikelgeni málim boldy. Árine, bul adamdardyń sol bólmelerde turmaityny belgili. Alaida tirkelip, memlekettik baspanaǵa úmitker retinde belgilendi», - dedi Prezident.
Memleket basshysy áleýmettik turǵyda az qamtylǵandar arendalyq baspanany alýy tiis ekenin jetkizdi. Prezident basqa sanattaǵylar túrli turǵyn úi baǵdarlamalaryna qatysý qajet ekenin, osy oraida turǵyn úi jinaq júiesindegi, nesielik jáne ipotekalyq baǵdarlamalarǵa qatysqandyǵy durys bolatynyn atap ótti.
«Shyn mánende basqa óńirden kelip, bir bólmege myń adam tirkeýge turady. Nátijesinde, bir ai buryn alystan kelgen bireýge páter beriledi. Al burynnan osynda jumys istep, birtindep aqsha jinaǵan Astana turǵyndary páter almai, áli de júr», - dedi Memleket basshysy.
.jpeg)