Qazaqstannyń Tuńǵysh Prezidenti «Astana» halyqaralyq qarjy ortalyǵynyń basqarýshysy Qairat Kelimbetovti qabyldady, dep habarlaidy "Ult aqparat" Aqordaǵa silteme jasap.
Kezdesý barysynda Nursultan Nazarbaevqa «Astana» halyqaralyq qarjy ortalyǵynyń qazirgi qyzmeti jáne aldaǵy jospary týraly málimdeldi.
Elbasy «Astana» halyqaralyq qarjy ortalyǵyn damytý úshin atqarylyp jatqan jumystardyń mańyzdylyǵyn atap ótti.
– «Astana» halyqaralyq qarjy ortalyǵy – eń aýqymdy ári mańyzdy jobalardyń biri. Oǵan zor úmit artyp otyrmyz. Bul qurylym Qazaqstannyń ǵana emes, búkil óńirdiń qarjy ortalyǵyna ainalady. «Astana» halyqaralyq qarjy ortalyǵy álemniń basqa qarjy ortalyqtary siiaqty damityn bolady. Osy bastamanyń tabysty bolǵanyn qalaimyn, – dedi Qazaqstannyń Tuńǵysh Prezidenti.
