Briýssel qalasynda Nursultan Nazarbaev «Aziia-Eýropa» forýmynyń HII sammitine qatysty, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysy sammittiń plenarlyq otyrysynda sóilegen sózinde qaqtyǵystardyń kóbeiýi, sanktsiia jáne saýda soǵystarynyń órshýi jaǵdaiynda halyqaralyq saiasat shielenistiń shegine jetip otyrǵanyn atap ótti.
«Biz búgingi «Aziia-Eýropa» forýmynyń sammitin osy problemalardy sheshý úshin paidalanýymyz qajet. Ókinishke qarai, qazirgi kezde álem tabysty dialog pen ózara túsinistikke qol jetkize almai keledi. Bárimiz ótken ǵasyrdyń 60-jyldaryndaǵy Karib daǵdarysyn eske salatyn búgingi ekonomikalyq jáne saiasi teketiresterge kýá bolyp otyrmyz», - dedi Qazaqstan Prezidenti.
Nursultan Nazarbaev bul sammit AQSh, Resei, Qytai siiaqty álemniń iri elderin, Eýropa odaǵyn halyqaralyq shielenisterdi sheshýdiń jolyn izdeýge shaqyrýy qajet ekenin aitty.
«Eger Siriiadaǵy, Ýkrainadaǵy jáne ózge de elderdegi problemalardy rettemesek, ahýal odan da kúrdelene túsedi. Ballistikalyq raketalardyń taralý qaýpi seiilmeiinshe, halyqaralyq terrorizm basty másele bolyp qala bermek», - dedi Memleket basshysy.
Qazaqstan Prezidenti álemdik ekonomikadaǵy jaǵdaidyń kúrdelene túsýine bailanysty keibir kedei memleketterdiń ahýaly odan ári qiyndaitynyn aityp, adamzat úshin onyń eleýli qaýip-qater sanalatynyn atap ótti.
«Ekinshi Dúniejúzilik soǵys pen basqa da qaqtyǵystardan keiin memleketter kóshbasshylary tyǵyz yntymaqtasyp, terrorizmmen kúres júrgizý isinde ortaq sheshimder taba bildi. Sondyqtan, men barlyq elderdi dialogqa shaqyryp, kelissózder júrgizý úshin Astana alańyn paidalanýdy usynamyn», - dedi Nursultan Nazarbaev.
Sońynda Memleket basshysy Qazaqstannyń Aziia men Eýropadaǵy jahandyq syn-tegeýrinderge qarsy turýǵa baǵyttalǵan seriktestikke belsendi atsalysýǵa daiyn ekenin taǵy da atap ótti.
