Qazaqstan Prezidenti Qorǵanys ministri Sáken Jasuzaqovty qabyldady, - dep habarlaidy "Ult aqparat" Aqordaǵa silteme jasap.
Memleket basshysyna elimizdiń Qarýly Kúshteriniń qazirgi ahýaly men armiia aldyna qoiylǵan mindetterdiń oryndalýy jóninde esep berildi.
Nursultan Nazarbaev Qarýly Kúshterdi jasaqtaý qarqyndy júrgizilip kele jatqanyna toqtalyp, bul jumysty jalǵastyrý qajettigin atap ótti.
– Qysta da, jazda da áskeri oqý-jattyǵý sharalary ótkizildi. Áskerimizdiń soǵysqa qabilettilik deńgeii joǵary. Tártip jaqsarǵany baiqalady, – dedi Elbasy.
Qazaqstan Prezidenti áskerdi qarý-jaraqtyń jáne áskeri tehnikanyń jańa túrlerimen qaita jaraqtandyrý, áskeri qyzmetshilerdi áleýmettik qamsyzdandyrý, elimizdiń aýmaqtyq qaýipsizdigi men áýe shabýylyna qarsy qorǵanys júiesin damytý máselelerine nazar aýdardy.
S.Jasuzaqov Memleket basshysyna áskerdiń soǵysqa qabilettigi deńgeiin, Qazaqstan áskeri qataryndaǵy tártip pen jinaqylyqty saqtaý sharalarynyń atqarylý barysy týraly málimdedi.
– Búginde Qarýly Kúshter qatary 93% deńgeiinde jasaqtaldy. Salystyrmaly túrde alsaq, bul kórsetkish 2015 jyly 89% bolǵan edi. Qazirgi ýaqytta ofitser, serjant jáne qatardaǵy sarbaz quramdaryn jasaqtaý úshin áskerge kelisimshart boiynsha shaqyrý jumystary júrgizilýde. Merzimdi áskeri qyzmet qataryna alynatyndar sanyn arttyrdyq. Biyl áskerdiń barlyq túrine 34 myńǵa jýyq merzimdi áskeri qyzmetshini shaqyrý josparlanyp otyr, – dedi Qorǵanys ministri.
Nursultan Nazarbaev kezdesý qorytyndysy boiynsha birqatar naqty tapsyrmalar berdi.
