Qazaqstannyń Tuńǵysh prezidenti Nursultan Nazarbaev Armeniianyń qamaýǵa alynǵan burynǵy basshysy Robert Kocharianǵa hat joldady, dep habarlaidy Sputnik RIA Novosti agenttigine silteme jasap.
Nazarbaev Armeniianyń ekinshi prezidentine Qazaqstanda bolyp jatqan belgili saiasi ózgerister men protsester týraly baiandaǵan.
"Birge jumys istegen jyldardy jylylyqpen eske alatynyn atap ótip, Kocharianmen bailanysty jalǵastyrýǵa úmittenetinin jetkizgen", - dep habarlady eks-prezidenttiń keńsesi.
Byltyr jazda Kocharianǵa 2008 jyly 1 naýryzda Armeniiada konstitýtsiialyq qurylymdy kúshtep qulatpaqshy boldy degen aiyp taǵylǵan bolatyn. Sol kezde ol eki aiǵa qamaýǵa alyndy. Alaida Erevandaǵy apelliatsiialyq sot tiisti shaǵymnan keiin Kochariandy bosatyp, qamaýǵa alý týraly sheshimniń kúshin joidy. Jeltoqsanda eks-prezident taǵy da qamaýǵa alyndy.
Birinshi instantsiiadaǵy sot Kochariandy qamaýda ustaý merzimin 18 qańtarda jáne 15 naýryzda eki ret eki aiǵa uzartty.
Aqpan aiynda Armeniianyń tergeý qyzmeti "konstitýtsiialyq qurylymdy kúshtep qulatý" týraly is boiynsha aldyn ala tergeýdi aiaqtaǵanyn málimdedi. Osydan keiin burynǵy basshyǵa asa iri kólemde para aldy degen de aiyp taǵyldy.
Robert Sedrakovich Kocharian – Armeniianyń ekinshi prezidenti, eldi 1998 jyldyń 30 naýryzynan 2008 jyldyń 9 sáýirine deiin basqardy.
