Qazaqstan Respýblikasynyń Tuńǵysh Prezidenti Nursultan Nazarbaev Armeniia Respýblikasynyń Prezidenti Armen Sarkisianmen telefon arqyly sóilesti, dep habarlaidy "Ult aqparat" Aqordaǵa silteme jasap.
Armen Sarkisian Nursultan Nazarbaevtyń Qazaqstan men Armeniia arasyndaǵy ózara tiimdi yntymaqtastyq pen eki el halyqtarynyń igiligine negizdelgen qarym-qatynastardy qalyptastyrý jáne damytý isindegi rólin joǵary baǵalaitynyn aitty.
Sondai-aq, Armeniia Prezidenti Armen Sarkisian Nursultan Nazarbaevtyń álemdegi turaqtylyq pen qaýipsizdikti nyǵaitýǵa zor úles qosqan qazirgi zamandaǵy eń bedeldi saiasatkerlerdiń biri ekenin atap ótti.
Taraptar aldaǵy ýaqytta turaqty bailanystaryn jalǵastyra berýge ýaǵdalasty.
