QR Tuńǵysh Prezidenti Nursultan Nazarbaev nelikten jyl saiyn kóktemde Almatyǵa baratynyn aityp berdi, dep habarlaidy "Ult aqparat".
Ózderińiz biletindei, Elbasy keshe Almaty qalasyndaǵy rezidentsiiasynda birneshe kezdesý ótkizgen bolatyn. Nursultan Nazarbaev óziniń suxbattarynda Almaty súiikti qalalarynyń biri ekenin únemi aityp júredi. Endeshe, Almaty qalasymen ony ne bailanystyrady? Prezident teleradiokesheniniń muraǵaty bul suraqtyń jaýabyn berer video jariialady.
«Almaty kórikti de, jasyl, meniń týǵan ári súiikti qalam. Shynymdy aitsam, ol jaqqa barǵanda tolqyp turamyn. Bul bizdiń eldiń kórkem de, jap-jasyl shahary. Bizdiń úidi baq qorshap turatyn. Odan bólek, úi irgesindegi telimniń ózi jarty gektar aýmaqty alyp jatty ǵoi deimin. Osynaý jarty gektar búkil otbasyny asyrady. Bul almaly baq edi. Almatyda alma aǵashtary gúldegen kezde ainala qulpyryp ketedi. Mine, sol kezde men mindetti túrde sonda baramyn. Jyl saiyn almaly baqtyń ishinde túsken fotosýretterim bar. Bul meniń esteligimdegi óshpes áser», - deidi QR Tuńǵysh Prezidenti.
