قر تۇڭعىش پرەزيدەنتٸ نۇرسۇلتان نازارباەۆ نەلٸكتەن جىل سايىن كٶكتەمدە الماتىعا باراتىنىن ايتىپ بەردٸ, دەپ حابارلايدى "ۇلت اقپارات".
ٶزدەرٸڭٸز بٸلەتٸندەي, ەلباسى كەشە الماتى قالاسىنداعى رەزيدەنتسيياسىندا بٸرنەشە كەزدەسۋ ٶتكٸزگەن بولاتىن. نۇرسۇلتان نازارباەۆ ٶزٸنٸڭ سۇxباتتارىندا الماتى سٷيٸكتٸ قالالارىنىڭ بٸرٸ ەكەنٸن ٷنەمٸ ايتىپ جٷرەدٸ. ەندەشە, الماتى قالاسىمەن ونى نە بايلانىستىرادى? پرەزيدەنت تەلەراديوكەشەنٸنٸڭ مۇراعاتى بۇل سۇراقتىڭ جاۋابىن بەرەر ۆيدەو جارييالادى.
«الماتى كٶرٸكتٸ دە, جاسىل, مەنٸڭ تۋعان ەرٸ سٷيٸكتٸ قالام. شىنىمدى ايتسام, ول جاققا بارعاندا تولقىپ تۇرامىن. بۇل بٸزدٸڭ ەلدٸڭ كٶركەم دە, جاپ-جاسىل شاھارى. بٸزدٸڭ ٷيدٸ باق قورشاپ تۇراتىن. ودان بٶلەك, ٷي ٸرگەسٸندەگٸ تەلٸمنٸڭ ٶزٸ جارتى گەكتار اۋماقتى الىپ جاتتى عوي دەيمٸن. وسىناۋ جارتى گەكتار بٷكٸل وتباسىنى اسىرادى. بۇل المالى باق ەدٸ. الماتىدا الما اعاشتارى گٷلدەگەن كەزدە اينالا قۇلپىرىپ كەتەدٸ. مٸنە, سول كەزدە مەن مٸندەتتٸ تٷردە سوندا بارامىن. جىل سايىن المالى باقتىڭ ٸشٸندە تٷسكەن فوتوسۋرەتتەرٸم بار. بۇل مەنٸڭ ەستەلٸگٸمدەگٸ ٶشپەس ەسەر», - دەيدٸ قر تۇڭعىش پرەزيدەنتٸ.
