QR Tuńǵysh Prezidenti Nursultan Nazarbaev Almaty qalasyndaǵy rezidentsiiasynda birneshe kezdesý ótkizdi. Bul týraly Aqordanyń baspasóz qyzmetinen málim etti, dep habarlaidy "Ult aqparat".
Elbasy Túrkistan oblysynyń ákimi Ómirzaq Shókeevpen kezdesýde óńirdiń qazirgi áleýmettik-ekonomikalyq damý máselelerin talqylady. Oblys ortalyǵy Túrkistan qalasynda qurylys jumystaryn júrgizý josparyna erekshe nazar aýdaryldy.
«Qazaqstan Halyq banki» AQ direktorlar keńesiniń tóraǵasy A.Pavlovpen ótken kezdesýde taraptar elimizdiń bank sektoryndaǵy qazirgi ahýaldy jáne osy salany odan ári damytý perspektivalaryn, sondai-aq Qazaqstannyń qarjy naryǵynyń ózekti máselelerin talqylady.
Elbasy Nursultan Nazarbaev «Ortalyq Aziia Elektrenergetika korporatsiiasy» AQ direktorlar keńesiniń tóraǵasy A.Klebanovpen kezdesý barysynda elektr-jylý energiiasyn óndirý naryǵyn damytýdyń jáne elimizdiń óńirlerin energiiamen jabdyqtaý isinde qaýipsizdikti qamtamasyz etýdiń ózekti máselelerine basa mán berdi. Taraptar, sondai-aq, energiiamen jabdyqtaý salasyndaǵy tarif saiasatyn iske asyrýdyń qazirgi úderisin talqylady.
