Memleket basshysy Nursultan Nazarbaev Amerika Qurama Shtattaryna resmi saparynyń qorytyndylary jóninde keńes ótkizdi, "Ult aqparat" Aqordanyń baspasóz qyzmetine silteme jasap.
Keńeske Prezident Ákimshiliginiń Basshysy Á.Jaqsybekov, Prezidenttiń kómekshisi – Qaýipsizdik Keńesiniń hatshysy V.Jumaqanov, Prezidenttiń kómekshileri N.Onjanov pen Á.Smaiylov qatysty.
Memleket basshysy AQSh-qa resmi saparynyń aiasynda ótkizilgen kezdesýlerdi qorytyndylap, qol jetkizilgen ýaǵdalastyqtardy júzege asyrý úshin birqatar naqty tapsyrma berdi.
– Sapar tabysty boldy. Eń bastysy, naqty máseleler boiynsha naqty ýaǵdalastyqtarǵa qol jetkizdik, – dedi Nursultan Nazarbaev.
Sonymen qatar Qazaqstan Prezidenti sheteldik kompaniialarmen ekonomikalyq yntymaqtastyqty nyǵaityp, damytý jónindegi mindetterdi iske asyrýdyń mańyzdylyǵyn atap ótti.
.jpeg)