Astanada ótip jatqan «Jańa indýstriialandyrý: qazaqstandyq barystyń qadamy» ulttyq telekópiri barysynda Memleket basshysy Nursultan Nazarbaev Aqmola oblysyndaǵy altyn shyǵaratyn kásiporyndy iske qosty, dep habarlaidy QazAqparat.
Telekópir kezinde «Qazaqaltyn» TMK» aktsionerlik qoǵamynyń bas direktory Balamir Mahanov jańa zaýyttyń aldaǵy jumysy jaiynda baiandady.
«Qurmetti Elbasy! Sizdiń indýstriialandyrý saiasatyńyzdyń arqasynda TMD arasynda alǵash bolyp quramynda baǵaly metaldar bar tehnogendik mineraldy túzilisterdi óńdeý kásipornyn ashqaly turmyz. Joba iske qosylǵan soń 7 mln tonna óńdeýge múmkindik týady. Alǵashqy jyldary Dore qorytpasymen 4 tonna altyn, 2 tonna kúmis óndiretin bolamyz. Al olardyń elordamyzdaǵy affinajdaý zaýytynda ary qarai óńdelýi elimizdiń altyn qoryn tolyqtyrýǵa múmkindik beredi. Nursultan Ábishuly, iske qosýǵa ruqsat berýińizdi suraimyn!», - dedi Balamir Mahanov.
Óz kezeginde Memleket basshysy atalǵan kásiporynnyń úlken joba ekendigin atap ótti.
«Búgingi kúni altyn bizdiń valiýtamyzdyń negizi bolyp otyr. Qazaqstannyń ár jerinde 150-den artyq ken orny bar. Sonyń barlyǵyn igeretin bolsaq, ózimizdiń kompaniialar igeretin bolsa, elimizdiń bailyǵy odan ary kóteriletin bolady. Tórt tonna altyn shyǵaratyn bolsa, úlken joba sanalady. Men óte qýanyshtymyn. Barlyqtaryńyzdy quttyqtaimyn. Qosyńdar!», - dep ruqsat berdi QR Prezidenti.
Aita ketý kerek, bul tehnogendik mineraldy túzilisterdi qaita óńdeý boiynsha, keiinnen Dore qorytpasy túrinde altyn men kúmisti shyǵaratyn respýblikadaǵy jalǵyz kásiporyn bolyp tabylady. Dəl osyndai zaýyttardy jyldyń sońyna deiin Bestóbe jəne Jolymbet kentterinde de iske qosý josparlanǵan. Jobanyń quny 30 584,8 million teńge turady.
.jpeg)