Aqorda Elbasynyń Nazarbaev ýniversitetiniń prezidenti Shigeo Katsýmen aǵylshyn tilinde sóileskeni túsirilgen videony jariialady , - dep habarlaidy "Ult aqparat".
Resmi kezdesýdiń videoúzindisinde Memleket basshysynyń Shigeo Katsýdan aǵylshyn tilinde isteri qalai bolyp jatqanyn surady. Ýniversitet prezidenti de aǵylshynsha jaýap qatty. Nursultan Nazarbaev osydan keiin iske kóship, aǵylshyn tilinde "Please, your report" dep, baiandamasyn surady.
Elbasyǵa "Nazarbaev Ýniversiteti" derbes bilim berý mekemesi 7 jyldaǵy óz jumysy barysynda jetekshi halyqaralyq joǵary oqý oryndarynyń úzdik tájiribesin qabyldaǵany, sondai-aq oqý ornynda bolashaǵynan úmit kúttiretin eń daryndy stýdentterdi irikteýge septigin tigizetin meritokratiia qaǵidaty engizilgeni málimdeldi.
Shigeo Katsýdyń aitýynsha, ýniversitette qazirgi kezde myqty zertteý institýty bar, bul ulttyq deńgeide turaqty áriptestikti qalyptastyrý úshin tehnologiialardy damytýǵa, bilimdi jetildirýge zor múmkindik beredi. Biyl "Nazarbaev Ýniversiteti" derbes bilim berý mekemesiniń úshinshi túlekteri oqýdy támamdaidy.
