Memleket basshysy «Samuryq-Qazyna» aktsionerlik qoǵamy basqarmasynyń tóraǵasy Ahmetjan Esimovti qabyldady, dep habarlaidy "Ult aqparat" Aqordaǵa silteme jasap.
Kezdesý barysynda Qazaqstan Prezidentine «Samuryq-Qazyna» aktsionerlik qoǵamynyń 2018 jyly atqarǵan jumystary jóninde esep berildi.
Nursultan Nazarbaev «Samuryq-Qazyna» aktsionerlik qoǵamy qyzmetiniń negizgi kórsetkishteriniń nátijeleri jaqsy ekenin aitty.
– Jalpy, Qor qyzmetiniń qorytyndylary basqa jyldarmen salystyrǵanda óte jaqsy. Aktsionerlik qoǵamnyń barlyq kompaniialary jyldy tabysty aiaqtap, kiristerin arttyra tústi. Sonymen qatar, Qordyń basqarý deńgeileri josparly túrde ońtailandyryldy, – dedi Elbasy.
A.Esimov Memleket basshysyna Qor aktivterin jekeshelendirý barysy, «Qazaqtelekom» jáne «Air Astana» kompaniialaryn IPO-ǵa shyǵarý jospary, sondai-aq «Samuryq-Qazyna» aktsionerlik qoǵamynyń «Saryarqa» gaz qubyry magistralin salý jumystaryn qarjylandyrý isine atsalysýy jóninde baiandady.
Kezdesý sońynda Elbasy birqatar naqty tapsyrma berdi.
