«Nazar aýdaryńyz – balalar!» is-sharasy barysynda ereje buzýdyń 16 myńnan astam faktisi anyqtaldy. Bul týraly QR Ishki ister ministrliginiń resmi ókili Nurdildá Oraz málim etti, dep habarlaidy QazAqparat.
«Mektep demalysy qarsańynda, ótken aptada elimizde «Nazar aýdaryńyz – balalar!» atty aldyn alý is-sharasy ótti. Bul aktsiianyń maqsaty – balalardyń qatysýymen bolatyn jol-kólik oqiǵalarynyń aldyn alý. Atalǵan is-sharanyń alǵashqy úsh kúninde jol qozǵalysy erejelerin buzýdyń 16 myńnan astam jaǵdaiy tirkeldi. Onyń ishinde: 1 223 fakti jol qiylystarynan ótý erejelerin, 1 415 fakti jaiaý júrginshiler ótkelinen ótý erejelerin buzý. Balalardy tasymaldaý erejelerin buzýǵa qatysty 1 348 fakti esepke alyndy», - dedi ol Ishki ister ministrliginde ótken baspasóz máslihaty barysynda.
Sonymen qatar resmi ókil politsiia qyzmetkerleri jol jáne kommýnaldyq qyzmet ókilderimen birlesip, jalpy bilim berý mekemelerine irgeles jatqan aýmaqtarǵa jaiaý júrginshiler ótkelderin jol belgilerimen, arnaiy tańbalarmen, qorshaýlarmen jáne jol qozǵalysyn retteýdiń basqa da tehnikalyq quraldarymen jabdyqtaý boiynsha 4 myńnan astam tekserý júrgizgenin aitty.
«Tekserý nátijeleri boiynsha ýákiletti uiymdarǵa kemshilikterdi joiý boiynsha 1 704 nusqama berildi», - dedi Nurdildá Oraz.
