Sinoptikter 5 maýsym kúni birqatar óńirlerde aýa raiynyń buzylýyna bailanysty eskertý jariialady, dep habarlaidy "Ult aqparat" Qazgidrometke silteme jasap.
5 maýsym tańerteń jáne kúndiz Qyzylorda oblysynyń kei jerlerinde soltústikten, soltústik-shyǵystan soǵatyn jeldiń kúshi 15-20, 23 m/s deiin jetedi. Kúndiz kei jerlerde shańdy daýyl kútiledi.
Osy kúni Shyǵys Qazaqstan oblysynda kúndiz kei jerlerde nóser jańbyr jaýady. Kei jerlerde naizaǵai jarqyldap, kúndiz burshaq jaýýy múmkin. Daýyl turady. Ońtústik-shyǵystan coqqan jel ońtústik-batysqa aýysyp, kei jerlerde jel ekpini 15-20, kúndiz 25 m/s deiin kúsheiedi.
Óskemen qalasynda 5 maýsymda tańerteń jáne kúndiz naizaǵai kútiledi. Burshaq jaýýy múmkin. Ońtústik-shyǵystan soqqan jeldiń kúshi 15-20 m/s deiin jetedi.
Semei qalasynda osy kúni naizaǵai oinaidy, kúndiz burshaq jaýýy múmkin. Ońtústik-shyǵystan coǵatyn jel ońtústik-batysqa aýysyp, ekpini 15-20 m/s deiin kúsheiedi.
5 maýsym kúni Qostanai oblysynyń kei jerlerinde naizaǵai jarqyldap, burshaq jaýady. Soltústik-batystan soqqan jeldiń ekpini sekýndyna 15-20 metr bolady.
Osy kúni Qostanai qalasynda naizaǵai oinap, soltústik-batystan kúshti jel soǵady. Jer qarqyny 15-20 m/s bolady.
