Foto: QR TSM
Keniianyń Nairobi qalasynda ótken taekvondodan (WT) 21 jasqa deiingi álem chempionatynda Qazaqstan quramasy buryn-sońdy bolmaǵan jetistikke qol jetkizdi. Otandastarymyz jarysty 2 altyn jáne 1 qola júldemen aiaqtady, dep habarlaidy Ult.kz.
Jarystyń sheshýshi kúninde 87 kelide synǵa túsken Batyrhan Tóleýǵali finalda irandyq Mohammad Alizadehti aiqyn jeńip, álem chempiony atandy. Ol buǵan deiin Fotios Dompas (Grekiia), Djob Stiýart (Aýstraliia) jáne beitarap sportshy Vladislav Býdinnen basym túsken. Batyrhan 2024 jylǵy Parij Olimpiadasynda 80 kelide el namysyn qorǵaǵan bolatyn.
Chempionattyń alǵashqy kúnderinde Beibarys Qablan Qazaqstan tarihyndaǵy U21 sanatyndaǵy alǵashqy altyn medaldi jeńip alyp, Ánuranymyzdy shyrqatty. Al Temirlan Tileýles qola júldege ie boldy.
QR týrizm jáne sport ministri Erbol Myrzabosynov tarihi jeńisti joǵary baǵalap, sportshylardy, bapkerlerdi jáne federatsiia basshylaryn quttyqtady.
«Bul nátije – qazaq taekvondosynyń jańa belesi. Jas sportshylarymyzdyń jeńisti joly jalǵasa beredi dep senemin», – dedi ministr.
Qazaqstan quramasy osylaisha U21 álem chempionatynda eki altyn, bir qola medal ielenip, taekvondo tarihyndaǵy úzdik nátijesin tirkedi.
Buǵan deiin Memleket basshysy taekvondodan Álem chempiony Beibarys Qabylandyny quttyqtaǵan bolatyn.
