Zerthanalyq mamandar reseilik oppozitsioner Aleksei Navalnyidyń aǵzasynan "Novichok" tobyna kiretin himiialyq ýly zattyń izderi tapqan. Bul týraly Germaniia Úkimetiniń ókilderi habarlady.
Himiialyq qarýdy joiý boiynsha uiym, Evroodaq jáne NATO ý týraly habardar.
Al, Germaniia syrtqy ister ministrligi Navalnyidyń analiz qorytyndylaryn habarlaý úshin Resei elshisin shaqyrǵan.
Sondai-aq Germaniia biligi Navalnyidyń ýlanǵanyn "qatań synap", Resei biliginen jaǵdaidy túsindirýdi talap etti.
Resei prezidenti Vladimir Pýtinniń synshysy Navalnyi 20 tamyzda "ýlanǵan bolýy múmkin" dep Omby aýrýhanasyna túsken. Navalnyi osy kúni Tomsk qalasynan Máskeýge ushyp bara jatqanda jaǵdaiy kúrt nasharlap, ushaq Omby qalasyna qonǵan. Keiin jedel járdemmen oppozitsionerdi Ombydaǵy aýrýhanaǵa jetkizgen. Ertesinde Germaniia Navalnyidy Berlindegi aýrýhanaǵa áketý úshin arnaiy sanaviatsiia jibergen. Basynda Omby dárigerleri Navalnyidy ornynan qozǵaýǵa bolmaidy dep ony Germaniiaǵa jiberýden bas tartqan. Keiin ombylyq dárilerler Navalnyidy aýrýhanadan áketýge ruqsat berip, Navalnyi 22 tamyzda Berlinge jetkizilgen.
Reseilik dárigerler Navalnyidyń alǵashqy analizderinen ýly zat tabylmaǵanyn habarlaǵan edi. Biraq onyń jaqtastary saiasatkerdiń ýlanǵanyn aitqan.
24 tamyzda Berlindegi Charite klinikasy Navalnyi ingibitor holinesteraz tobyna jatatyn ýly zattan ýlanǵan" dep málimdegen.
Germaniia syrtqy ister ministri Geiko Maas "eger Navalnyidyń ýlanýyna Resei biliginiń qatysy bary dáleldense, Máskeýge diplomatiialyq sanktsiia salynatynyn" aitqan.
2018 jyly naýryzda 2018 jylǵy naýryzda Ulybritaniianyń Solsberi qalasynda Resei áskeri barlaýynyń (GRÝ) burynǵy ofitseri Sergei Skripal men onyń qyzy Iýliia sovettik "Novichok" ýynan ýlanyp qalǵan. Olardy es-tússiz kúide aýrýhanaǵa jetkizgen. Ekeýi uzaq ýaqyt emdelip aman qalǵan. Sergei Skripal qazir Jańa Zelandiiada turyp jatyr. London olarǵa qastandyqty Kreml uiymdastyrǵan dep málimdep, Resei prezidenti Vladimir Pýtindi aiyptaǵan.
