زەرتحانالىق ماماندار رەسەيلٸك وپپوزيتسيونەر الەكسەي ناۆالنىيدىڭ اعزاسىنان "نوۆيچوك" توبىنا كٸرەتٸن حيمييالىق ۋلى زاتتىڭ ٸزدەرٸ تاپقان. بۇل تۋرالى گەرمانييا ٷكٸمەتٸنٸڭ ٶكٸلدەرٸ حابارلادى.
حيمييالىق قارۋدى جويۋ بويىنشا ۇيىم, ەۆرووداق جەنە ناتو ۋ تۋرالى حاباردار.
ال, گەرمانييا سىرتقى ٸستەر مينيسترلٸگٸ ناۆالنىيدىڭ اناليز قورىتىندىلارىن حابارلاۋ ٷشٸن رەسەي ەلشٸسٸن شاقىرعان.
سونداي-اق گەرمانييا بيلٸگٸ ناۆالنىيدىڭ ۋلانعانىن "قاتاڭ سىناپ", رەسەي بيلٸگٸنەن جاعدايدى تٷسٸندٸرۋدٸ تالاپ ەتتٸ.
رەسەي پرەزيدەنتٸ ۆلاديمير پۋتيننٸڭ سىنشىسى ناۆالنىي 20 تامىزدا "ۋلانعان بولۋى مٷمكٸن" دەپ ومبى اۋرۋحاناسىنا تٷسكەن. ناۆالنىي وسى كٷنٸ تومسك قالاسىنان مەسكەۋگە ۇشىپ بارا جاتقاندا جاعدايى كٷرت ناشارلاپ, ۇشاق ومبى قالاسىنا قونعان. كەيٸن جەدەل جەردەممەن وپپوزيتسيونەردٸ ومبىداعى اۋرۋحاناعا جەتكٸزگەن. ەرتەسٸندە گەرمانييا ناۆالنىيدى بەرليندەگٸ اۋرۋحاناعا ەكەتۋ ٷشٸن ارنايى ساناۆياتسييا جٸبەرگەن. باسىندا ومبى دەرٸگەرلەرٸ ناۆالنىيدى ورنىنان قوزعاۋعا بولمايدى دەپ ونى گەرمانيياعا جٸبەرۋدەن باس تارتقان. كەيٸن ومبىلىق دەرٸلەرلەر ناۆالنىيدى اۋرۋحانادان ەكەتۋگە رۇقسات بەرٸپ, ناۆالنىي 22 تامىزدا بەرلينگە جەتكٸزٸلگەن.
رەسەيلٸك دەرٸگەرلەر ناۆالنىيدىڭ العاشقى اناليزدەرٸنەن ۋلى زات تابىلماعانىن حابارلاعان ەدٸ. بٸراق ونىڭ جاقتاستارى ساياساتكەردٸڭ ۋلانعانىن ايتقان.
24 تامىزدا بەرليندەگٸ Charite كلينيكاسى ناۆالنىي ينگيبيتور حولينەستەراز توبىنا جاتاتىن ۋلى زاتتان ۋلانعان" دەپ مەلٸمدەگەن.
گەرمانييا سىرتقى ٸستەر مينيسترٸ گەيكو مااس "ەگەر ناۆالنىيدىڭ ۋلانۋىنا رەسەي بيلٸگٸنٸڭ قاتىسى بارى دەلەلدەنسە, مەسكەۋگە ديپلوماتييالىق سانكتسييا سالىناتىنىن" ايتقان.
2018 جىلى ناۋرىزدا 2018 جىلعى ناۋرىزدا ۇلىبريتانييانىڭ سولسبەري قالاسىندا رەسەي ەسكەري بارلاۋىنىڭ (گرۋ) بۇرىنعى وفيتسەرٸ سەرگەي سكريپال مەن ونىڭ قىزى يۋلييا سوۆەتتٸك "نوۆيچوك" ۋىنان ۋلانىپ قالعان. ولاردى ەس-تٷسسٸز كٷيدە اۋرۋحاناعا جەتكٸزگەن. ەكەۋٸ ۇزاق ۋاقىت ەمدەلٸپ امان قالعان. سەرگەي سكريپال قازٸر جاڭا زەلاندييادا تۇرىپ جاتىر. لوندون ولارعا قاستاندىقتى كرەمل ۇيىمداستىرعان دەپ مەلٸمدەپ, رەسەي پرەزيدەنتٸ ۆلاديمير پۋتيندٸ ايىپتاعان.
