Irannyń qoǵam qairatkeri, Parsy tili men ádebieti akademiiasynyń prezidenti Ǵolamáli Hoddad Adeldiń Qazaqstan halqyn Naýryz merekesimen quttyqtady, dep habarlaidy QazAqparat.
«Naýryz – tek Iran jurtyna ǵana tán emes, sondai-aq óńirimizdiń búkil halyqtaryna tiesili uly meiram. Osy keń baitaq óńir elderiniń barlyǵy Naýryzdy ulyqtap, qadir tutady. Men Naýryzben Qazaqstan jurtyn quttyqtaimyn. Kelý kezeńin Ai men Kún aiqyndaityndyǵy turǵysynan, Naýryz - teńdessiz meiram. Jańa jyldyń bastaýy bolyp keletin Naýryzdyń adami tulǵalyq, áleýmettik, ulttyq, saiasi ári dini oqiǵalarǵa eshqandai qatysy joq. Bul - aspan deneleriniń ainalys-qozǵalysyna, kún men túnniń teńelýine, ystyq pen sýyqtyń rettelýine, tabiǵattyń túleýine bailanysty mereke. Sondyqtan, Naýryz – biz ony qolmen rettep, ózgerte almaityn tetik-qubylys. Ol - jer betinde Jańa jyl bastaýy bolyp sanalatyn aspani saǵat», - delingen quttyqtaýda.
Ǵolamáli Hoddad Adeldiń aitýynsha Naýryz – tirshilik bastaýy, túleýdiń bastaýy, kóktep-ónýdiń bastaýy, teńelýdiń, qalypqa túsýdiń bastaýy, shattyq pen dýmannyń bastaýy. Osy turǵyda, Naýryz barlyq jerde meirammen, shat-dýmanmen, úmitpen qabysqan.
Tabiǵat kóktemniń kelýimen uiqydan oianyp, boikúiezdik pen dert-kesalattan arylsa, Naýryz da bizdi, adamzatty, jańa kóktemde tyń kúsh pen jańa dýmanǵa shaqyrady.
