يراننىڭ قوعام قايراتكەرٸ, پارسى تٸلٸ مەن ەدەبيەتٸ اكادەميياسىنىڭ پرەزيدەنتٸ عولامەلي حودداد ادەلدٸڭ قازاقستان حالقىن ناۋرىز مەرەكەسٸمەن قۇتتىقتادى, دەپ حابارلايدى قازاقپارات.
«ناۋرىز – تەك يران جۇرتىنا عانا تەن ەمەس, سونداي-اق ٶڭٸرٸمٸزدٸڭ بٷكٸل حالىقتارىنا تيەسٸلٸ ۇلى مەيرام. وسى كەڭ بايتاق ٶڭٸر ەلدەرٸنٸڭ بارلىعى ناۋرىزدى ۇلىقتاپ, قادٸر تۇتادى. مەن ناۋرىزبەن قازاقستان جۇرتىن قۇتتىقتايمىن. كەلۋ كەزەڭٸن اي مەن كٷن ايقىندايتىندىعى تۇرعىسىنان, ناۋرىز - تەڭدەسسٸز مەيرام. جاڭا جىلدىڭ باستاۋى بولىپ كەلەتٸن ناۋرىزدىڭ ادامي تۇلعالىق, ەلەۋمەتتٸك, ۇلتتىق, ساياسي ەرٸ دٸني وقيعالارعا ەشقانداي قاتىسى جوق. بۇل - اسپان دەنەلەرٸنٸڭ اينالىس-قوزعالىسىنا, كٷن مەن تٷننٸڭ تەڭەلۋٸنە, ىستىق پەن سۋىقتىڭ رەتتەلۋٸنە, تابيعاتتىڭ تٷلەۋٸنە بايلانىستى مەرەكە. سوندىقتان, ناۋرىز – بٸز ونى قولمەن رەتتەپ, ٶزگەرتە المايتىن تەتٸك-قۇبىلىس. ول - جەر بەتٸندە جاڭا جىل باستاۋى بولىپ سانالاتىن اسپاني ساعات», - دەلٸنگەن قۇتتىقتاۋدا.
عولامەلي حودداد ادەلدٸڭ ايتۋىنشا ناۋرىز – تٸرشٸلٸك باستاۋى, تٷلەۋدٸڭ باستاۋى, كٶكتەپ-ٶنۋدٸڭ باستاۋى, تەڭەلۋدٸڭ, قالىپقا تٷسۋدٸڭ باستاۋى, شاتتىق پەن دۋماننىڭ باستاۋى. وسى تۇرعىدا, ناۋرىز بارلىق جەردە مەيراممەن, شات-دۋمانمەن, ٷمٸتپەن قابىسقان.
تابيعات كٶكتەمنٸڭ كەلۋٸمەن ۇيقىدان ويانىپ, بويكٷيەزدٸك پەن دەرت-كەسالاتتان ارىلسا, ناۋرىز دا بٸزدٸ, ادامزاتتى, جاڭا كٶكتەمدە تىڭ كٷش پەن جاڭا دۋمانعا شاقىرادى.
