2021 jyldyń naýryzynda depozitterdi dollarlandyrý deńgeii 36,9 paiyz deńgeiinde qalyptasty. Bul týraly búgin Úkimet otyrysynda QR Ulttyq bank tóraǵasy Erbolat Dosaev aitty, dep habarlaidy QazAqparat.
«Bank júiesindegi depozitter jyl basynan beri 23,4 trln teńgege deiin 5,8 paiyzǵa, onyń ishinde ulttyq valiýtada – 6,5 paiyzǵa nemese 14,8 trln teńgege deiin 896,1 mlrd teńgege, shetel valiýtasynda – 4,8 paiyzǵa nemese 8,6 trln teńgege deiin 392,5 mlrd teńgege ulǵaidy. Nátijesinde depozitterdi dollarlandyrý deńgeii 2021 jylǵy naýryzda 36,9 paiyz deńgeiinde qalyptasty»,- dedi Erbolat Dosaev.
Onyń atap ótýinshe, 2021 jylǵy qańtar-naýryzda zańdy tulǵalardyń salymdary 11,9 trln teńgege deiin 5,3 paiyzǵa, jeke tulǵalar salymy 11,5 trln teńgege deiin 6,4 paiyzǵa ulǵaidy.
«Kredittik portfel osy jyldyń basynan bastap 1,2 paiyzǵa nemese 169,6 mlrd teńgege ulǵaiyp, biylǵy 1 sáýirdegi jaǵdai boiynsha 14,8 trln teńgeni qurady. Ekonomikanyń naqty sektoryna kredittik resýrstardyń quny ótken jylǵy naýryzdaǵy 12,5 paiyzben salystyrǵanda 11,5 paiyzǵa deiin tómendedi», - dedi Ulttyq bank tóraǵasy.
