2021 جىلدىڭ ناۋرىزىندا دەپوزيتتەردٸ دوللارلاندىرۋ دەڭگەيٸ 36,9 پايىز دەڭگەيٸندە قالىپتاستى. بۇل تۋرالى بٷگٸن ٷكٸمەت وتىرىسىندا قر ۇلتتىق بانك تٶراعاسى ەربولات دوساەۆ ايتتى, دەپ حابارلايدى قازاقپارات.
«بانك جٷيەسٸندەگٸ دەپوزيتتەر جىل باسىنان بەرٸ 23,4 ترلن تەڭگەگە دەيٸن 5,8 پايىزعا, ونىڭ ٸشٸندە ۇلتتىق ۆاليۋتادا – 6,5 پايىزعا نەمەسە 14,8 ترلن تەڭگەگە دەيٸن 896,1 ملرد تەڭگەگە, شەتەل ۆاليۋتاسىندا – 4,8 پايىزعا نەمەسە 8,6 ترلن تەڭگەگە دەيٸن 392,5 ملرد تەڭگەگە ۇلعايدى. نەتيجەسٸندە دەپوزيتتەردٸ دوللارلاندىرۋ دەڭگەيٸ 2021 جىلعى ناۋرىزدا 36,9 پايىز دەڭگەيٸندە قالىپتاستى»,- دەدٸ ەربولات دوساەۆ.
ونىڭ اتاپ ٶتۋٸنشە, 2021 جىلعى قاڭتار-ناۋرىزدا زاڭدى تۇلعالاردىڭ سالىمدارى 11,9 ترلن تەڭگەگە دەيٸن 5,3 پايىزعا, جەكە تۇلعالار سالىمى 11,5 ترلن تەڭگەگە دەيٸن 6,4 پايىزعا ۇلعايدى.
«كرەديتتٸك پورتفەل وسى جىلدىڭ باسىنان باستاپ 1,2 پايىزعا نەمەسە 169,6 ملرد تەڭگەگە ۇلعايىپ, بيىلعى 1 سەۋٸردەگٸ جاعداي بويىنشا 14,8 ترلن تەڭگەنٸ قۇرادى. ەكونوميكانىڭ ناقتى سەكتورىنا كرەديتتٸك رەسۋرستاردىڭ قۇنى ٶتكەن جىلعى ناۋرىزداعى 12,5 پايىزبەن سالىستىرعاندا 11,5 پايىزعا دەيٸن تٶمەندەدٸ», - دەدٸ ۇلتتىق بانك تٶراعاسى.
